Read Northwest Gbaya GIMA 98 Bible Online

GIMA 98 - Northwest Gbaya bible

GIMA 98

¹Gima. Ɛ̀nɛ̀ bíí mbe gima ha̧ GASA WAN wen a̧ dee mɔɔ-gɔn-ɗɛɗɛ-wi! Kpasamɔ duk tɛ wii-er-a wen te-er-a nɛ́ ŋgai kɔ̧-a̧.

²GASA WAN usa ŋgai-kpasi-bíí, ɓɛɛ a̧ usi deemɔ kɔ̧-a̧ nɛ yuwar-a gbaayí o wi nɛ̀ iŋ kpasa Sɔ̧ na.

³Tɛ-a mbaŋa ɗoŋ dee demɔ in yora-ɗoŋ-wen kɔ̧-a̧ zu nutua ko Israɛl. O wi nɛ̀ ya nɛ̀ nyɛi̧a-a hɔ nduti-nù mɛ lɛŋ zɔka kpasamɔ ko Sɔ̧ k’ɛɛ.

⁴O bíí zu nù lɛŋ a̧ zɔ́n GASA WAN! O bíí lɛŋ a̧ yá nɛ̀ tortɛ!

⁵Ɛ̀nɛ̀ bíí gima ha̧ GASA WAN nɛ̀ koloŋ, ɛ̀nɛ̀ bíí gima ha̧ a̧ nɛ̀ mɔɔ-mbɛr nɛ̀ ɔ wora.

⁶Ɛ̀nɛ̀ zɔ́n a̧ nɛ̀ o mɔɔ-dɔm in zak, ɛ̀nɛ̀ súmbúrí wannu, GASA WAN k’ɛɛ!

⁷O gba-tɔp in o mɔ nɛ̀ ya ɗɔɔ-aa lɛŋ a̧ dík ɗirr; nù a̧ fó mɔ in o bíí nɛ̀ ya zu a̧ lɛŋ.

⁸O nana-yì lɛŋ a̧ ɓú er, o kaya lɛŋ a̧ bíí gima nɛ tortɛ!

⁹Ɛ̀nɛ̀ bíí gima nɛ̀ nin GASA WAN wen a̧ a̧ tɛ‘i! A̧ tɛ mɛ ɔ wan zu nù, ɓɛɛ a̧ tɛ ɔ wan nɛ̀ yuwar-a. A̧ tɛ gɔn kita zu o bíí nɛ̀ tana-a mbɛt.