Read Northwest Gbaya SIRAK 5 Bible Online

SIRAK 5 - Northwest Gbaya bible

SIRAK 5

¹Duka-tɛ ko Wan-mbɔi in Wi-de-ɗaŋmɔ Ká mɛ dúk tɛ-mɛ nɛ o mbɔi kɔ-mɛ tɔ̧ nɛnɛ‘e: «mɔ nyɛm am kaɗi» na.

²Ká mɛ́ e ha̧ wɔmɔ kɔ-mɛ in ŋgai tɛ-mɛ mɛ́ ɔr mɛ́ mɛ ndak ɗoŋ mɔ nɛ see-mɛ kɔ̧ɔ̧ na.

³Ká mɛ tɔ̧‘e: «nɛ́ o a tɛ gan am o?» na, wen Gasa Wan tɛ usi kana bɔnɛ ha̧ mɛ zɔ̧i̧.

⁴Ká mɛ tɔ̧‘e: «Mi dee ɗaŋmɔ, ɓɛɛ ŋma mɔ de'm na» na, wen ɗoŋ munyal ko Gasa Wan ɔ nyɛia̧.

⁵Ka mɛ nɛ kusa ɗaŋmɔ kɔ-mɛ zu ŋmaa, ká mɛ e ta-mɛ gan'e mɛ tɛ kpa ea-ɗaŋmɔ na.

⁶Ká mɛ tɔ̧‘e: «Deako ko Gasa Wan ɔ́ gasá, A̧ tɛ e o gba zɔm dɔka ɗaŋmɔ kɔ‘m ha̧‘m» na, wen deako a̧-a̧ tɛ A̧, in tu̧u̧-see mbɛt, ɓɛɛ nyimsea kɔ̧-A̧ tɛ tik nɛ zu o wi-de-ɗaŋmɔ.

⁷Mɛ pii ɗoŋ tɛ Gasa Wan nɛ haia, ɓɛɛ ká mɛ fo zɛ-a siti siti na, wen tu̧u̧-see ko Gasa Wan tɛ hɔ yekseɗe, ɓɛɛ mɛ tɛ kifi gee mɔ, wese bɔnɛ-oi-ɗaŋmɔ.

⁸Ká mɛ dúk tɛ-mɛ nɛ mbɔi-zu̧zu̧ na, wa beka gbak mɛ wese bɔnɛ na. Ka’ i tɔ̧ nu-wi yiitoo na

⁹Ká mɛ pɛfi mɔ ti yuu-búk nɛ tum na, ká mɛ ba yuwar nɛ tum, hee wi-de-ɗaŋmɔ nɛ tɔ̧ leɓe-wen yiitoo de nɛnɛ'ɛ ga na.

¹⁰Mɛ kasi mɔ nɛ mɛ ta nɛ nɔa̧-a̧, ɓɛɛ wen mɛ nu-mɛ́ a dúk nɛ kpɔk ɓɛɛ.

¹¹Mɛ zii mɔ nɛ haia, ɓɛɛ ká mɛ kifi nú nɛ haia na.

¹²Ka mɛ nɛ boo nɛ ŋma taamɔ, mɛ kifi nú ha̧ ŋma-mɛ; ka nɛ boo na, nɛ mɛ kpe nú-mɛ́.

¹³Gasi in mɔɔ-búù yá sɛn zaŋ nyɛrɛ, ɓɛɛ leɓe-wi nyɛma mɛ gbɛ wi mbɛt.

¹⁴Ká mɛ de ha̧‘i mɛ ba mɛ nɛ wikaindaa-bii na, ɓɛɛ ká mɛ tui pɛ́r ha̧ bii nɛ leɓe-wen kɔ-mɛ na mbɛt, wen ka foe a tika zu wizu̧zu̧, ɓɛɛ kita-fio tik nɛ zú witɔ̧wen yiitoo.

¹⁵Mɛ yú dee ɗaŋmɔ, koo nɛ gasa, koo nɛ geɗɛk-a, ɓɛɛ ká mɛ kifi wisɛn ko sɛm kɔ-mɛ na,