Read Northwest Gbaya ESAII 12 Bible Online

ESAII 12 - Northwest Gbaya bible

ESAII 12

¹Mɛ tɛ tɔ̧ wese'i nde: «Osoko, GASA WAN, wen see'nɛ́ nyima so zu'm, nɛ mɔ'ɔ nɛ nyimsea k’ɛ́nɛ́ ga̧a̧, ɓɛɛ ɛnɛ ha̧ ga̧a̧-see ha̧‘m.

²«Ɛnɛ zɔk, Sɔ̧ Wan-kpas'am, mi e ta nɛ ɛnɛ, ɓɛɛ kíì de'm na, wen ŋgai kɔ‘m in gima kɔ‘m, nɛ́ GASA WAN; a̧ nɛ Wan-kpas'am.»

³Ɛ́nɛ́ tɛ ɗu yi-kpasi-bíí nɛ̀ ɔ̧sa̧ na nɛ desee.

⁴Ɓɛɛ ɛnɛ tɛ tɔ̧ wese'i'e nde: «Ɛ̀nɛ̀ dé osoko ha̧ GASA WAN, ɛ̀nɛ̀ zɔ́n nin-a, ɓɛɛ ɛ̀nɛ̀ tɔ̧́ nyɛrɛ o gasamɔ nɛ Sɔ̧ dee ha̧ o dukbíí; tɛ‘nɛ́ a̧ mbaŋ ɗoŋ-aa'e, nin-a ɔ gasa.

⁵Ɛ̀nɛ̀ bíí gima ha̧ Sɔ̧ wen a̧ dee gasamɔ, wen ha'i mɛ iŋ dam zu nu’ɛ lɛŋ.»

⁶Ɛ̀nɛ̀ híɗí mɔ nɛ desee in tortɛ, ɛnɛ o wi Siɔŋ, wen a̧ ɔ gasa mgbara'nɛ́; a̧ nɛ Sa̧a̧ Wi ko Israɛl.