Read Northwest Gbaya ESAII 31 Bible Online

ESAII 31 - Northwest Gbaya bible

ESAII 31

¹Bɔnɛ tɛ kpa o wi nɛ zir si Egiptɛ mɛ kii gbakamɔ, wen wa e ta nɛ dɔka keekee, in o gba gii nyaŋa, ɓɛɛ wa e ta nɛ Sa̧a̧ Wi ko Israɛl na, kà bó nɛ̀ zɔka mɔ sitɛ a̧ na mbɛt.

²A̧ nɛ ŋga-wi, nɛ nyɛma mɛ dak ŋgamɔ pi̧ zu bíí; mɔ n'aa tɔ̧a̧ kaɗi, a̧ tɛ de kana mɔ‘i. See-aa tɛ kur nɛ ŋgaya-a zu o wi-ɗaŋ, in o wi nɛ ye ɗoŋ o wi-de-ɗaŋmɔ mbɛt.

³O bíí Egiptɛ nɛ bíí, wa bó nɛ́ sɔ̧ na; o nyaŋa kɔ-wa a̧a̧ nɛ mur-tɛ, ŋgayamɔ ko ɔmi bo tɛ-wa na. Ɓɛɛ ŋgimbi nɛ GASA WAN be tɛɛ nyɛi̧ er, o wi-pɛm-wa tɛ tir a nu, mɔɔ-pɛm-wa tɛ tik, ɓɛɛ wa lɛŋ tɛ de geemɔ.

⁴Nɛ mɔ'ɔ nɛ GASA WAN tɔ̧ɔ̧ ha̧‘m: «Hee mɔ'ɔ nɛ nana-dila nɛ̀ ko be dila nyɛm mɛ yu mɔ zu wɔr saɗi kɔ‘i wen hiɗimɔ in dee giti mɔ ko o wi-dai-mɔ na ga, mɛ nɛ kalemɔ in am GASA WAN nɛ a̧a̧ nɛ ŋgayamɔ lɛŋ, ŋgimbi n'am tɛ zir mɛ nɛɛ bi biro zu kaya Siɔŋ in be zu-tɔ̧́ kɔ‘m.»

⁵GASA WAN nɛ a̧a̧ nɛ ŋgayamɔ lɛŋ tɛ pɛm Jerusalɛm hee mɔ'ɔ nɛ o nɔ̧́í̧ nyar nɛ ɓaa kpe nɛ zu o kui kɔ‘i’ɛ ga. A̧ tɛ pɛm a̧, a̧ tɛ kpas'a, a̧ tɛ fo o ŋgamɔ yinɛ zu a̧, ɓɛɛ a̧ gboo a̧ mbɛt.

⁶Ɛnɛ o be Israɛl, ɛ̀nɛ̀ píí ɗoŋ tɛ Sɔ̧ Wan n’ɛnɛ zika tɛ‘nɛ́ e nɛnɛ duk.

⁷Wese'i, ɛnɛ tɛ kai o géé-sɔ̧ n’ɛnɛ dee nɛ bu-mbɔi in lɔr k’ɛ́nɛ́ a taŋ, wen wa nɛ o mɔɔ-simbo nɛ er'nɛ́ dea.

⁸O be Asirii tɛ tik nu nú gba-paa ko Sɔ̧ nɛ tɛ kum wa lɛŋ, wa tɛ pɛsi yu mɔ yak nú gba-paa'i, ɓɛɛ o daŋa ŋgaiwi kɔ-wa tɛ ya o bara-biro.

⁹Bele zara kam-ta-ɛk-tɛ kɔ-wa, ɓɛɛ a̧ yu mɔ yak. Tɛ o be-wan kɔ̧-a̧ naka, ɓɛɛ wa yu mɔ e tutuwal kɔ-wa duk mbɛt. GASA WAN nɛ̀ wee kɔ̧-a̧ duk Siɔŋ, ɓɛɛ nɛ̀ lɔk[13] kɔ̧-a̧ duk Jerusalɛm a̧ tɔ̧ wen’ɛ.