Read Northwest Gbaya ESAII 4 Bible Online

ESAII 4 - Northwest Gbaya bible

ESAII 4

¹Wese'i o okoo mɔɔrɔ-ɗoŋ-yiitoo tɛ kpa ŋmaa zu kpɔk wiwii, ɓɛɛ wa tɛ tɔ̧ ha̧ a̧: «Nɛ́ ɛɛ a̧ tɛ kii nyɔŋmɔ k’ɛɛ, ɓɛɛ ɛɛ hi̧fa laa k’ɛɛ nɛ tɛ-ɛɛ mbɛt; mɛ̀ é h’ɛ́ɛ́ bá nɛ́ mɛ́ nɛ̀ wíì[2] ɓɛɛ, wen ká foe tɛɛ de yɛ tɛ yaa-a n’ɛɛ ya nɛ sayo'i.»

²Wese'i, GASA WAN tɛ de ha̧ bɔr-mɔ mɛ ɓɔ nɛ tɛ duk nɛ zɔnamɔ in gasamɔ, ɓɛɛ o mɔ nɛ tɛ wai tɛ nu'i, tɛ duk nɛ mɔɔ-tortɛ in mɔɔ-nyɛŋɛ ko o be Israɛl nɛ mɔ hɔɔ yɔɔ zu wa.

³Hegɔ, wi tɛ sa o oi ndaa bíí mɛ Siɔŋ nɛ mɔ hɔɔ yɔɔ zu wa in o wi Jerusalɛm nɛ fe na'e: «O sa̧a̧ bíí», ɓɛɛ wa tɛ yɔr nin-wa lɛŋ sɛn Jerusalɛm fara-yaa kɔ-wa.

⁴Ŋgimbi'i, GASA WAN tɛ zui o boko be Siɔŋ, zui nɛ simbo ko Jerusalɛm yinɛ mbɛt, wen tɔk-tɛ wi nɛ a so nu tɛ gɔna kita n'aa gɔn zu wa tɛ ŋgai kɔ̧-a̧.

⁵GASA WAN tɛ tɛ mɛ duk zu kaya Siɔŋ in o bíí nɛ tɛ mɔi̧ hi̧i̧ lɛŋ, mɛ wese nɛ̀ tura-zan in zi-wee, ɓɛɛ mɛ zɛ nɛ̀ nyɛka leɓe-wee. Ɓɛɛ gasamɔ ko GASA WAN tɛ kpe zu mɔ lɛŋ;

⁶a̧ tɛ duk nɛ́ de gi̧ɔ̧-ɔm-tɛ wen wese, ŋga fara-hu̧si kórò in ŋga búk mbɛt.