Read Northwest Gbaya EZEKIƐL 15 Bible Online

EZEKIƐL 15 - Northwest Gbaya bible

EZEKIƐL 15

¹Nɛ mɔ'ɔ nɛ GASA WAN tɔ̧ɔ̧ ha̧‘m:

²«Mɛ́ bíí, nyak-dɔ̧ɔ̧ dee gan o gee te sɛn kɔ̧ kombo lɛŋ nde?

³Wi tɛ nyɛm so mɛ sɛk nyak-dɔ̧ɔ̧ de nɛ ŋma mɔ nde? Wi tɛ ba so nyak-dɔ̧ɔ̧ mɛ de nɛ boi-kɔk-mɔ mgboi zaŋ tua mɛ ga̧i̧ mɔ sɛnɛ nde?

⁴Kà'ì ye a̧ nɛ wee, ɓɛɛ kà a̧ war kaɗi, ɓɛɛ ŋma mɔ nɛ‘i tɛ de nɛ a̧ a̧a̧ sɛnɛ ɓɔ nde?

⁵N'aa duka nɛnɛ nɛti'i, wi nyɛm mɛ sɛk a̧ de nɛ ŋma tom na, ɓɛɛ kinii n'aa bia wee kifi gee bùk mbulɛɛ kaɗi'i, wi tɛ de a̧ nɛ ge mɔ ge ɓɔ ge?»

⁶Mɛ nɛ zu mɔ‘i sa GASA WAN tɔ̧‘e nde: «Hee mɔ'ɔ nɛ‘i ba nɛ kora nyak-dɔ̧ɔ̧ mgbara o te kɔ kombo ye nɛ wee, ɓɛɛ bia wee’ɛ ga, mɛ nɛ kale kpɔk mɔ‘i a̧‘m tɛ de in o bíí Jerusalɛm mbɛt.

⁷Mi tɛ usi bɔnɛ ha̧ wa; wee hɔɔ so yɔɔ zu wa nɛti, ɓɛɛ kinii, wee'i tɛ kum wa. Mɛ́ nɛ tɛ ŋgimbi'i ɛ̀nɛ̀ tɛ iŋ nɛnɛ‘e, mi nɛ GASA WAN, Wan nɛ usi bɔnɛ ha̧ wa'i.

⁸Mi tɛ de ha̧ nu kɔ-wa mɛ kìfì nɛ́ gee ŋga-gbárà, wen wa mbo zu ha̧‘m na. Nɛ mi GASA WAN Sɔ̧ a̧ tɔ̧ hegɔ.»