Read Northwest Gbaya TƆRA-BÍÍ 29 Bible Online

TƆRA-BÍÍ 29 - Northwest Gbaya bible

TƆRA-BÍÍ 29

¹«Tɛ kuti zɛ tɛ mɔɔrɔ-ɗoŋ-yiitoo fio-zɛ, ɛnɛ tɛ mɔi̧ tú̧ nɛ̀ tɛ GASA WAN. Ɛnɛ beka de ŋma tom wese'i na, wen wese'i tɛ duk nɛ wese dɔma mbia.

²Ɛnɛ tɛ dɔ wiwii ndai kpɔk in vala sami kpɔk ká bá nɛ̀ be-sami mɔɔrɔ-ɗoŋ-yiitoo nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na, nɛ pɛr-aa tɛ de tɛ GASA WAN.

³Ɛnɛ tɛ ha̧ kilo fuu mɔɔrɔ-ɗoŋ-naar nɛ‘i vata nɛ nɔ̧́ e zu wiwii-ndai'i in kilo fuu mɔɔrɔ-ɗoŋ-kpɔk e zu vala sami,

⁴sɛka kilo fuu taar wen o be-sami mɔɔrɔ-ɗoŋ-yiitoo dam wa kpɔk kpɔk.

⁵Zu-a'i, ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ, ha̧ wa mɛ de do-mɔ zu'nɛ́ nɛ usi'e ɛnɛ kpaa ea-ɗaŋmɔ.

⁶Ɛnɛ tɛ ha̧ mɔ‘i e zu dɔɔ-kpoo-sɔ̧ wan mɛ mbe yí-zɛ in wan nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-wa mbɛt'i. Ɛnɛ tɛ de o mɔɔ nɔ‘i nɛ yuwar-a. Nɛ́ nyɔŋmɔ nɛ pɛr-aa ɔ dee tɛ GASA WAN.»

⁷«Fio-zɛ mɔɔrɔ-ɗoŋ-yiitoo nɛ́ dea, ɓɛɛ tɛ ɓu ɔɔ-zɛ, ɛ́nɛ́ tɛ mɔi̧ tú̧ nɛ̀ tɛ GASA WAN; ɛnɛ tɛ zim yi, ɓɛɛ ɛnɛ beka de ŋma tom wese'i na.

⁸Ɛnɛ tɛ dɔ wiwii ndai kpɔk, vala sami kpɔk in o be-sami mɔɔrɔ-ɗoŋ-yiitoo nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na nɛ pɛr-aa tɛ de tɛ GASA WAN.

⁹Ɛnɛ tɛ ha̧ fuu nɛ‘i vata nɛ nɔ̧́ kilo mɔɔrɔ-ɗoŋ-naar e zu wiwii ndai kpɔk, in kilo mɔɔrɔ-ɗoŋ-kpɔk wen vala sami kpɔk,

¹⁰ká bá nɛ̀ kilo fuu taar wen o be-sami nɔ‘i mɔɔrɔ-ɗoŋ-yiitoo'i kpɔk kpɔk.

¹¹Ɛnɛ tɛ ha̧ vala gbadua e zu-a mbɛt ɗafi nɛ Sɔ̧ wen kpaa ea-ɗaŋmɔ. Ɛnɛ tɛ ha̧ mɔ‘i e zu dɔɔ-kpoo-sɔ̧ wan mɛ Gbaŋa Gasa ea-ɗaŋmɔ in wan nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-wa mbɛt'i.»

¹²«Kà fio-zɛ mɔɔrɔ-ɗoŋ-yiitoo nɛ́ dea, tɛ ɔɔ-zɛ ɓu-zua-mɔɔrɔ, ɛ́nɛ́ tɛ mɔi̧ tú̧ nɛ̀ tɛ GASA WAN, ɓɛɛ ɛ́nɛ́ beka de ŋma tom wese'i na. Ɛnɛ tɛ de gbaŋa tɛ zɛ mɔɔrɔ-ɗoŋ-yiitoo ha̧ GASA WAN.

¹³Ɛnɛ tɛ dɔ wiwii-ndai ɓu-zua-taar, vala sami yiitoo in be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na nɛ pɛr-aa tɛ de tɛ GASA WAN.

¹⁴Ɛnɛ tɛ ha̧ fuu nɛ‘i vata nɛ nɔ̧́ tɛ kilo mɔɔrɔ-ɗoŋ-naar e zu wiwii ndai kpɔk kpɔk, in kilo fuu mɔɔrɔ-ɗoŋ-kpɔk wen vala sami kpɔk kpɔk,

¹⁵ká bá nɛ̀ kilo fuu taar wen o be-sami nɔ‘i ɓu-zua-naar'i dam wa lɛŋ.

¹⁶Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu dɔɔ-kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

¹⁷«Tɛ yiitoo ɔɔ-zɛ, ɛnɛ tɛ dɔ nɛ wiwii-ndai ɓu-zua-yiitoo, vala sami yiitoo in o be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na.

¹⁸Ɛnɛ tɛ ha̧ fuu in dɔ̧ɔ̧ e zu-wa dam nɛ o wiwii-ndai, o vala sami, in o be-sami nɔ‘i lɛŋ nɛ yuwar-a.

¹⁹Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

²⁰«Tɛ taar ɔɔ-zɛ, ɛnɛ tɛ ha̧ wiwii-ndai ɓu-zua-kpɔk, vala sami yiitoo in o be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na.

²¹Ɛnɛ tɛ ha̧ fuu in dɔ̧ɔ̧ e zu-wa dam nɛ o wiwii-ndai, o vala sami, in o be-sami nɔ‘i lɛŋ nɛ yuwar-a.

²²Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

²³«Tɛ naar ɔɔ-zɛ, ɛnɛ tɛ ha̧ wiwii-ndai ɓu, vala sami yiitoo in o be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na.

²⁴Ɛnɛ tɛ ha̧ fuu in dɔ̧ɔ̧ e zu-wa dam nɛ o wiwii-ndai, o vala sami, in o be-sami nɔ‘i lɛŋ nɛ yuwar-a.

²⁵Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

²⁶«Tɛ mɔɔrɔ ɔɔ-zɛ, ɛnɛ tɛ dɔ wiwii-ndai mɔɔrɔ-ɗoŋ-naar, vala sami yiitoo in o be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na.

²⁷Ɛnɛ tɛ ha̧ fuu in dɔ̧ɔ̧ e zu-wa dam nɛ o wiwii-ndai, o vala sami, in o be-sami nɔ‘i lɛŋ nɛ yuwar-a.

²⁸Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

²⁹«Tɛ mɔɔrɔ-ɗoŋ-kpɔk ɔɔ-zɛ, ɛnɛ tɛ dɔ wiwii-ndai mɔɔrɔ-ɗoŋ-taar, vala sami yiitoo in o be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na.

³⁰Ɛnɛ tɛ ha̧ fuu in dɔ̧ɔ̧ e zu-wa dam nɛ o wiwii-ndai, o vala sami, in o be-sami nɔ‘i lɛŋ nɛ yuwar-a.

³¹Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

³²«Tɛ mɔɔrɔ-ɗoŋ-yiitoo ɔɔ-zɛ, ɛnɛ tɛ dɔ wiwii-ndai mɔɔrɔ-ɗoŋ-yiitoo, vala sami yiitoo in o be-sami ɓu-zua-naar nɛ a̧a̧ nɛ pɛ kpɔk nɛ ŋma mɔ ɗaŋ tɛ-wa na.

³³Ɛnɛ tɛ ha̧ fuu in dɔ̧ɔ̧ e zu-wa dam nɛ o wiwii-ndai, o vala sami, in o be-sami nɔ‘i lɛŋ nɛ yuwar-a.

³⁴Ɛnɛ tɛ ha̧ vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

³⁵«Mɔɔrɔ-ɗoŋ-taar ɔɔ-zɛ tɛ duk nɛ kaɗa gbaŋa k’ɛ́nɛ́; ɛnɛ beka de ŋma tom wese'i na.

³⁶Ɛnɛ tɛ dɔ nɛ wiwii-ndai kpɔk, vala sami kpɔk in o be-sami mɔɔrɔ-ɗoŋ-yiitoo nɛ a̧a̧ nɛ pɛ kpɔk nɛ ŋma mɔ ɗaŋ tɛ wa na, nɛ̀ pɛr-aa tɛ de ta GASA WAN.

³⁷Ɛnɛ tɛ ha̧ fuu in dɔ̧ɔ̧ e zu-wa dam nɛ wiwii-ndai, vala sami in o be-sami nɔ‘i lɛŋ nɛ yuwar-a.

³⁸Ɛnɛ tɛ ba vala gbadua kpɔk ɗafi nɛ sɔ̧ wen kpaa ea-ɗaŋmɔ e zu kpoo-sɔ̧ nɛ‘i dɔ ɓɔnsɛnɛ ká bá nɛ̀ fuu in dɔ̧ɔ̧ nɛ‘i ha̧ e zu-a.

³⁹«O mɔ n’ɛnɛ tɛ ha̧ ha̧ GASA WAN nyɛm nɛ ɗoŋ ŋgimbi-a nɛ‘i gɔna nɛ mɔɔ nɔ‘i. Ɛnɛ tɛ ha̧ mɔɔ nɔ‘i e zu o ɗafa-sɔ̧ k’ɛ́nɛ́ oi ha̧a̧nú, o ɗafa-sɔ̧ k’ɛ́nɛ́ nɛ ta-tɛ, o dɔɔ-kpoo-sɔ̧, o ɗafa-sɔ̧ nɛ fuu, o dɔ̧ɔ̧ wen tɛna-a a nù, in o ɗafa-sɔ̧-gaŋmɔ.»