Read Northwest Gbaya JOSUE 12 Bible Online

JOSUE 12 - Northwest Gbaya bible

JOSUE 12

¹O wannu nɛ o be Israɛl bìí, ɓɛɛ nɛ wa baa nù kɔ-wa nɛ kur Jurdɛn si war daŋa-wese, ku̧u̧naŋ-a nɛ gboŋgo Arnɔŋ hɔ nɛnɛ ká̧ kaya Hɛrmɔŋ in ká̧ zaŋ Jurdɛn si war daŋa-wese nɛ́ mɔɔ nɔ'ɔ:

²wa bìí Sihɔŋ wannu ko o be Amɔr nɛ ɔɔ so sɛn Hɛsbɔŋ; nu kɔ̧-a̧ ku̧u̧naŋ-a nɛ Arɔɛr ká̧ gboŋgo Arnɔŋ nɛ kur yì yiitoo lɛŋ, in reeta Galad hɔ kɔ̧ gboŋgo Yabɔk, gbisi ko o be Amɔŋ.

³A̧ ɔɔ wan zu ká̧ zaŋ Jurdɛn nɛ war daŋa-wese, ku̧u̧naŋ-a nɛ Gba-tɔp Kinɛrot hɔ tɛ Gba-tɔp Araba nɛ‘i sa'e Gba-tɔp Tɔŋ si war Bɛt-Yesimɔt in nɛ war ká̧-zan-mɛ́-ɗɔɔ nɛ ɗɔɔ kaya Pisga mbɛt.

⁴Hɔ-ɗoŋ-aa, wa bìí nù ko Og wannu Basaŋ, ŋma wi nɛ duka kpasa mgbara o sɔŋkur be Refaim nɛ ɔ so sɛn Astarot in Edrɛi.

⁵Nù kɔ̧-a̧ nɛ́ zu kaya Hɛrmɔŋ, Salka, Basaŋ nɛ oi-aa lɛŋ hɔ nɛnɛ tɛ gbìsì ko o be Gɛsur in ko o be Maka in reeta nù Galad hɔ nɛnɛ tɛ gbìsì ko Sihɔŋ wannu Hɛsbɔŋ.

⁶Moisɛ wi-de-tom ko GASA WAN in o be Israɛl bìí wa, ɓɛɛ Moisɛ wi-de-tom ko GASA WAN ha̧ nù kɔ-wa ha̧ o bezaŋ Rubɛn, ha̧ o bem ko Gad in ha̧ reeta zuduk ko Manase.

⁷O wannu nɛ Josue in o be Israɛl bia nɛ kur Jurdɛn nɛ war yee-wese ku̧u̧naŋ-a nɛ Bal-Gat kɔ̧ gboŋgo Libaŋ hɔ nɛnɛ zu kaya Halak nɛ yor si war Sɛir nɛ́ mɔɔ nɔ'ɔ. Josue ha̧a̧ o nú nɔ‘i ha̧ o be Israɛl kɛ̧ nɛnɛ dam o zuduk kɔ-wa.

⁸O nú nɔ‘i duka nɛ́ zu kaya in hira-nù, ká̧ zaŋ Jurdɛn, ká̧ naŋ kaya, in ŋga-gbárà nɛ war ɗɔɔ. O nú nɔ‘i duka so nɛ nù ko o be Hit, o be Amɔr, o be Kanaŋ, o be Periz, o be Hiv in o be Jebus.

⁹O wannu nɛ biro baa nɛ́ mɔɔ nɔ'ɔ: wannu Jeriko in wannu Ai ká̧ Bɛtɛl,

¹⁰wannu Jerusalɛm, wannu Hebrɔŋ,

¹¹wannu Yarmut in wannu Lakis,

¹²wannu Eglɔŋ in wannu Gezɛr,

¹³wannu Debir in wannu Gedɛr,

¹⁴wannu Ɔrma in wannu Arad,

¹⁵wannu Libna in wannu Adulam,

¹⁶wannu Makeda in wannu Bɛtɛl,

¹⁷wannu Tapua in wannu Hefɛr,

¹⁸wannu Afɛk in wannu Lasarɔŋ,

¹⁹wannu Madɔŋ in wannu Asɔr,

²⁰wannu Simrɔŋ-Mɛrɔŋ in wannu Aksaf,

²¹wannu Tanak in wannu Mɛgido,

²²wannu Kɛdɛs in wannu Yoknɛam sɛn Karmɛl,

²³wannu Dɔr sɛn zu kaya Dɔr in wannu Goyim sɛn ká̧ Gilgal ká bá nɛ̀

²⁴wannu Tirsa. Wa lɛŋ nɛ́ wannu ɓu-taar-zua-kpɔk.