Read Northwest Gbaya JOSUE 16 Bible Online

JOSUE 16 - Northwest Gbaya bible

JOSUE 16

¹Nù ko o bezaŋ Jozɛf nɛ tani baa ha̧ wa ku̧u̧ naŋ ká̧ zaŋ Jurdɛn mgbák ká̧ Jeriko, e be-zer Jeriko nɛ war yee-wese. Fara'i duka nɛ ŋga-gbárà nɛ daŋ nɛ Jeriko si zu kaya Bɛtɛl.

²Gbìsì nɛ́ Bɛtɛl hɔ Luz ɓir si war gbìsí ko o be Ark sɛn Atarot,

³ɓɛɛ zum si war yee-wese sitɛ gbìsì ko o be Yaflɛt hɔ nɛnɛ tɛ zika-nù Bɛt-Hɔrɔŋ mɛ ɗɔɔ, gɔm nɛ Gezɛr si kpa nɛ Gba-tɔp.

⁴Mɔɔ-oi ko o bezaŋ Jozɛf: Manase in Efraim, duka hee mɔ‘i ga.

⁵Gbìsí-nù ko zuduk ko Efraim nyɛm nɛ ɗoŋ nú-gara kɔ-wa nɛ́ mɔ'ɔ. Nɛ war daŋa-wese nɛ́ Atrɔt-Adar hɔ Bɛt-Hɔrɔŋ mɛ ŋgɔn.

⁶Nɛ war yee-wese, gbìsì ɓir nɛ Mikmɛtat nɛ war ká̧-zan-mɛ́-ŋgɔn, ɓɛɛ zika si Tanat-Silo nɛ war daŋa-wese ɓir hi̧i̧ tik Yanɔa,

⁷gɔm nɛ Yanɔa si Atarot in Narata hɔ sɛn Jeriko si kpa nɛ Jurdɛn.

⁸Ku̧u̧naŋ-a nɛ war Tapua, gbisi ɓira si war yee-wese sitɛ foka-yì Kana, kaɗi nɛnɛ nu Gba-tɔp. Mɔɔ-oi ko zuduk ko Efraim nyɛm nɛ ɗoŋ o nú-gara kɔ-wa nɛ́ mɔ‘i.

⁹Wi tɔr o ye nɛ wa ee ha̧ zuduk ko Efraim sɛn mgbara mɔɔ-oi ko Manase na; mɛ̀ nɛ́ o gasa ye in o ye nɛ zik wa lɛŋ;

¹⁰ɓɛɛ wa ndak o be Kanaŋ nɛ ɔ sɛn Gezɛr na; mɛ̀ nɛ́ hegɔ nɛ o be Kanaŋ ɔ nɛnɛ mgbara o be Efraim hɔ sɔsɔɔ de nɛ ŋga tom-bara.