Read Northwest Gbaya JOSUE 20 Bible Online

JOSUE 20 - Northwest Gbaya bible

JOSUE 20

¹Gasa Wan tɔ̧ɔ̧ ha̧ Josue:

²«Mɛ̀ tɔ̧́ ha̧ o be Israɛl ndé, wa a̧ hók o ye-hu̧si-sɛnɛ n'am baa tɔ̧ so wen-aa nɛ nú Moisɛ.

³Mɛ̀ nɛ́ sɛn hi̧i̧ a̧ wi-gbɛ-zu nɛ gbɛɛ bíí, nɛ̀ hɔɔ-kɔ-mɔ, nyɛma mɛ yu mɔ nɛ́ɛ̀ hu̧si sɛnɛ; o ye nɔ‘i tɛ duk nɛ fara-hu̧sa̧-a̧ wen o wi-kifi-er ɗaŋmɔ.

⁴Wi-gbɛ-zu tɛ yu mɔ sitɛ ŋma ye nɔ‘i kpɔk. A̧ tɛ yor nú garo ye, ɓɛɛ a̧ tɔ̧ɔ̧ mɔ nɛ yaka ha̧ o gasawi fara'i. O wi nɔ‘i tɛ kpɛk ha̧ a̧ mɛ ɔ in wa.

⁵Ɓɛɛ kà wi-kifi-er ndak pata a̧, wa beka ha̧ wi-gbɛ-zu'i ha̧ a̧ na, wen bó nɛ́ a̧ kɔ̧ɔ̧ so mɛ gbɛ ŋma-a na, in bó nɛ́ a̧ ee so ŋma sɛnmɔ kɔ̧ see-aa nɛti na.

⁶Wi-gbɛ-zu tɛ duk saaye'i hɔ ŋgimbi nɛ wa tɛ gɔn kita zu a̧ ti o bíí, hegɔ hɔ ŋgimbi nɛ Wan-ɗafi-sɔ̧ ŋgimbi'i tɛ fe. Ɓɛɛ nɛ́ ŋgimbi'i a̧ wi-gbɛ-zu tɛ nyɛm mɛ siɗoŋ saaye kɔ‘i, sɛn kɔ̧ tua kɔ‘i, sɛn saaye n'aa duka sɛnɛ yu nɛ mɔ yak'i.»

⁷O ye nɛ‘i ee nɛtɛ wen mɔ‘i nɛ́ Kɛdɛs sɛn Galilee mgbara kaya ko Nɛftalii, Sikɛm mgbara kaya ko Efraim, Kiriat-Arba nɛ duk nɛ́ Hebrɔŋ sɛn mgbara kaya ko Juda.

⁸Nɛ́ kur Jurdɛn, mgbák ti Jeriko nɛ war daŋa-wese, wa hoka nɛ Besɛr sɛn ŋga-gbárà tɔyɛɛ gɔn-see-nù ko zuduk ko Rubɛn, Ramot nú Galad ko zuduk ko Gad in Golaŋ sɛn Basaŋ ko zuduk ko Manase.

⁹O ye nɛ wa hoka wen hu̧sa̧-a̧ ko o be Israɛl in ko gɛnɛ nɛ a̧a̧ mgbara wa, ha̧ wi nɛ tɛ gbɛ bíí, nɛ̀ hɔɔ-kɔ-mɔ, nɛ́ mɔɔ nɔ‘i; hegɔ, wi-gbɛ-zu beka fe er wi-kifi-er oi gbɛɛ-zu nɛti sɛka a̧ ɓaa kita na.