Read Nova_Vulgata Paralipomenon I 6 Bible Online

Paralipomenon I 6 - Nova_Vulgata bible

Paralipomenon I 6

¹Filii ergo Levi: Gerson, Caath et Merari.

²Et haec nomina filio rum Gerson: Lobni et Semei.

³Filii Caath: Amram et Isaar et Hebron et Oziel.

⁴Filii Merari: Moholi et Musi. Hae autem cognationes Levi secundum familias eorum:

⁵Gerson, Lobni filius eius, Iahath filius eius, Zimma filius eius,

⁶Ioah filius eius, Addo filius eius, Zara filius eius, Iethrai filius eius.

⁷Filii Caath: Aminadab filius eius, Core filius eius, Asir filius eius,

⁸Elcana filius eius, Abiasaph filius eius, Asir filius eius,

⁹Thahath filius eius, Uriel filius eius, Ozias filius eius, Saul filius eius.

¹⁰Filii Elcana: Amasai et Achimoth,

¹¹Elcana filius eius, Sophai filius eius, Nahath filius eius,

¹²Eliab filius eius, Ieroham filius eius, Elcana filius eius, Samuel filius eius.

¹³Filii Samuel: primogenitus Ioel et secundus Abia.

¹⁴Filii autem Merari: Moholi, Lobni filius eius, Semei filius eius, Oza filius eius,

¹⁵Samaa filius eius, Haggia filius eius, Asaia filius eius.

¹⁶Isti sunt, quos constituit David super cantum domus Domini, ex quo collocata est arca;

¹⁷et ministrabant coram habitatione tabernaculi conventus canentes, donec aedificaret Salomon domum Domini in Ierusalem; stabant autem iuxta ordinem suum in ministerio.

¹⁸Hi vero sunt, qui assistebant cum filiis suis. De filiis Caath: Heman cantor filius Ioel filii Samuel

¹⁹filii Elcana filii Ieroham filii Eliel filii Thohu

²⁰filii Suph filii Elcana filii Mahath filii Amasai

²¹filii Elcana filii Ioel filii Azariae filii Sophoniae

²²filii Thahath filii Asir filii Abiasaph filii Core

²³filii Isaar filii Caath filii Levi filii Israel.

²⁴Et frater eius Asaph, qui stabat a dextris eius, Asaph filius Barachiae filii Samaa

²⁵filii Michael filii Basaiae filii Melchiae

²⁶filii Athnai filii Zara filii Adaia

²⁷filii Ethan filii Zimma filii Semei

²⁸filii Iahath filii Gerson filii Levi.

²⁹Filii autem Merari fratres eorum ad sinistram: Ethan filius Cusi filii Abdi filii Melluch

³⁰filii Hasabiae filii Amasiae filii Helciae

³¹filii Amsi filii Bani filii Somer

³²filii Moholi filii Musi filii Merari filii Levi.

³³Fratres quoque eorum Levitae, qui ordinati sunt in cunctum ministerium habitaculi domus Domini;

³⁴Aaron vero et filii eius adolebant super altare holocausti et super altare thymiamatis in omne opus sancti sanctorum, et ut expiarent pro Israel, iuxta omnia quae praecepit Moyses servus Dei.

³⁵Hi sunt autem filii Aaron: Eleazar filius eius, Phinees filius eius, Abisue filius eius,

³⁶Bocci filius eius, Ozi filius eius, Zaraia filius eius,

³⁷Meraioth filius eius, Amarias filius eius, Achitob filius eius,

³⁸Sadoc filius eius, Achimaas filius eius.

³⁹Et haec habitacula eorum per castra atque confinia, filiorum scilicet Aaron ex cognatione Caathitarum; ipsis enim sorte contigerat.

⁴⁰Dederunt igitur eis Hebron in terra Iudae et suburbana eius per circuitum;

⁴¹agros autem civitatis et villas Chaleb filio Iephonne.

⁴²Porro filiis Aaron dederunt civitatem ad confugiendum: Hebron et Lobna et suburbana eius,

⁴³Iether quoque et Esthemo cum suburbanis eius, sed et Helon et Dabir cum suburbanis suis,

⁴⁴Asan quoque et Iutta et Bethsames et suburbana earum;

⁴⁵de tribu autem Beniamin: Gabaon et Gabaa et suburbana earum et Almath cum suburbanis suis, Anathoth quoque cum suburbanis suis: omnes civitates tredecim, singulae per cognationes suas.

⁴⁶Filiis autem Caath residuis de cognatione sua dederunt ex tribu Ephraim et ex tribu Dan et ex dimidia tribu Manasse in possessionem urbes decem.

⁴⁷Porro filiis Gerson per cognationes suas de tribu Issachar et de tribu Aser et de tribu Nephthali et de tribu Manasse in Basan urbes tredecim.

⁴⁸Filiis autem Merari per cognationes suas de tribu Ruben et de tribu Gad et de tribu Zabulon dederunt sorte civitates duodecim.

⁴⁹Dederunt quoque filii Israel Levitis civitates et suburbana earum;

⁵⁰dederuntque per sortem ex tribu filiorum Iudae et ex tribu filiorum Simeon et ex tribu filiorum Beniamin urbes has, quas vocaverunt nominibus suis.

⁵¹Et his, qui erant ex cognationibus filiorum Caath, fuerunt civitates in terminis eorum de tribu Ephraim.

⁵²Dederunt ergo eis urbem ad confugiendum: Sichem cum suburbanis suis in monte Ephraim et Gazer cum suburbanis suis,

⁵³Iecmaam quoque cum suburbanis suis et Bethoron similiter;

⁵⁴necnon et Aialon cum suburbanis suis et Gethremmon in eundem modum.

⁵⁵Porro ex dimidia tribu Manasse Thanach et suburbana eius, Ieblaam et suburbana eius, his videlicet qui de cognationibus filiorum Caath reliqui erant.

⁵⁶Filiis autem Gerson de cognationibus dimidiae tribus Manasse: Golan in Basan et suburbana eius et Astharoth cum suburbanis suis.

⁵⁷De tribu Issachar Cedes et suburbana illius et Dabereth cum suburbanis suis,

⁵⁸Ramoth quoque et suburbana illius et Anem cum suburbanis suis.

⁵⁹De tribu vero Aser: Masal cum suburbanis suis et Abdon similiter,

⁶⁰Hucoc quoque et suburbana eius et Rohob cum suburbanis suis.

⁶¹Porro de tribu Nephthali: Cedes in Galilaea et suburbana eius, Hamon cum suburbanis suis et Cariathaim et suburbana eius.

⁶²Filiis autem Merari residuis de tribu Zabulon: Remmon et suburbana eius et Thabor cum suburbanis suis.

⁶³Trans Iordanem quoque ex adverso Iericho, contra orientem Iordanis de tribu Ruben: Bosor in solitudine cum suburbanis suis et Iasa cum suburbanis suis,

⁶⁴Cademoth quoque et suburbana eius et Mephaath cum suburbanis suis.

⁶⁵Necnon et de tribu Gad: Ramoth in Galaad et suburbana eius et Mahanaim cum suburbanis suis,

⁶⁶sed et Hesebon cum suburbanis eius, et Iazer cum suburbanis suis.