Read Nova_Vulgata Paralipomenon I 7 Bible Online

Paralipomenon I 7 - Nova_Vulgata bible

Paralipomenon I 7

¹Porro filii Issachar: Thola et Phua, Iasub et Semron, quat tuor.

²Filii Thola: Ozi et Raphaia et Ieriel et Iemai et Iebsem et Samuel, principes familiarum suarum; de stirpe Thola viri fortissimi numerati sunt iuxta genealogias suas in diebus David viginti duo milia sescenti.

³Filii Ozi: Izrahia, de quo nati sunt Michael et Obadia et Ioel et Iesia, quinque principes omnes.

⁴Cumque eis erant secundum genealogias familiarum suarum turmae accinctae ad proelium, viri fortissimi, triginta sex milia; multas enim habuere uxores et filios.

⁵Fratresque eorum per omnes cognationes Issachar robustissimi ad pugnandum octoginta septem milia numerati sunt.

⁶Filii Beniamin: Bela et Bochor et Iedihel, tres.

⁷Filii Bela: Esebon et Ozi et Oziel et Ierimoth et Urai, quinque principes familiarum et ad pugnandum robustissimi; numerus autem eorum viginti duo milia et triginta quattuor.

⁸Porro filii Bochor: Zamira et Ioas et Eliezer et Elioenai et Amri et Ierimoth et Abia et Anathoth et Almath; omnes hi filii Bochor.

⁹Numerati sunt autem in genealogiis suis principes familiarum suarum ad bella fortissimi viginti milia et ducenti.

¹⁰Porro filii Iedihel: Bilhan; filii autem Bilhan: Iehus et Beniamin et Aod et Chanaana et Zethan et Tharsis et Ahisahar;

¹¹omnes hi filii Iedihel principes familiarum suarum viri fortissimi decem et septem milia et ducenti ad proelium procedentes.

¹²Suphim quoque et Huphim filii Hir et Husim filii Aher.

¹³Filii autem Nephthali: Iasiel et Guni et Ieser et Sellum, filii Bilhae.

¹⁴Porro filius Manasse: Asriel, quem peperit concubina eius Syra; peperit quoque Machir patrem Galaad.

¹⁵Machir autem accepit uxorem de Huphim et Suphim et habuit sororem nomine Maacha; nomen autem secundi Salphaad, nataeque sunt Salphaad filiae.

¹⁶Et peperit Maacha uxor Machir filium vocavitque nomen eius Phares; porro nomen fratris eius Sares et filii eius Ulam et Recem.

¹⁷Filius autem Ulam: Badan; hi sunt filii Galaad filii Machir filii Manasse.

¹⁸Soror autem eius Ammalecheth peperit Isod et Abiezer et Maala.

¹⁹Erant autem filii Semida: Ahin et Sechem et Leci et Aniam.

²⁰Filii autem Ephraim: Suthala, Bared filius eius, Thahath filius eius, Elada filius eius, Thahath filius eius,

²¹et huius filius Zabad et huius filius Suthala et huius filius Ezer et Elad. Occiderunt autem eos viri Geth indigenae, quia descenderant, ut invaderent possessiones eorum.

²²Luxit igitur Ephraim pater eorum multis diebus, et venerunt fratres eius, ut consolarentur eum;

²³ingressusque est ad uxorem suam, quae concepit et peperit filium, et vocavit nomen eius Beria, eo quod in malis domus eius ortus esset.

²⁴Filia autem eius fuit Sara, quae aedificavit Bethoron inferiorem et superiorem et Ozensara.

²⁵Porro filius eius Rapha et Reseph et Thale filius eius, de quo natus est Thaan,

²⁶qui genuit Laadan; huius quoque filius Ammiud genuit Elisama,

²⁷de quo ortus est Nun, qui habuit filium Iosue.

²⁸Possessio autem eorum et habitationes: Bethel cum filiabus suis et contra orientem Noran, ad occidentalem plagam Gazer et filiae eius, Sichem quoque cum filiabus suis usque Hai et filias eius.

²⁹Iuxta filios quoque Manasse: Bethsan et filias eius, Thanach et filias eius, Mageddo et filias eius, Dor et filias eius. In his habitaverunt filii Ioseph filii Israel.

³⁰Filii Aser: Iemna et Iesua et Isui et Beria et Sara soror eorum.

³¹Filii autem Beria: Heber et Melchiel, ipse est pater Barzaith.

³²Heber autem genuit Iephlat et Somer et Hotham et Suaa sororem eorum.

³³Filii Iephlat: Phosech et Bamaal et Asoth; hi filii Iephlat.

³⁴Porro filii Somer fratris sui: Roaga et Haba et Aram.

³⁵Filii autem Hotham fratris eius: Supha et Iemna et Selles et Amal.

³⁶Filii Supha: Sue, Hamapher et Sual et Beri et Iamra,

³⁷Bosor et Od et Samma et Salusa et Iethran et Beera.

³⁸Filii Iether: Iephonne et Phaspha et Ara.

³⁹Filii autem Olla: Area et Hanniel et Resia.

⁴⁰Omnes hi filii Aser, principes familiarum electi atque fortissimi, capita principum; numerus autem eorum, qui inscripti erant in exercitu ad bellum, viginti sex milia.