Read Nova_Vulgata Numeri 26 Bible Online

Numeri 26 - Nova_Vulgata bible

Numeri 26

¹Post hanc plagam dixit Do minus ad Moysen et Eleaza rum filium Aaron sacerdotem:

²“ Numerate summam totius congregationis filiorum Israel a viginti annis et supra per domos et cognationes suas, cunctos, qui possunt ad bella procedere ”.

³Locuti sunt itaque Moyses et Eleazar sacerdos in campestribus Moab super Iordanem contra Iericho ad eos, qui erant

⁴a viginti annis et supra, sicut Dominus imperaverat Moysi. Filiorum Israel, qui egressi sunt de terra Aegypti, iste est numerus.

⁵Ruben primogenitus Israel. Huius filius Henoch, a quo familia Henochitarum, et Phallu, a quo familia Phalluitarum,

⁶et Hesron, a quo familia Hesronitarum, et Charmi, a quo familia Charmitarum.

⁷Hae sunt familiae de stirpe Ruben, quarum numerus inventus est quadraginta tria milia et septingenti triginta.

⁸Filius Phallu: Eliab.

⁹Huius filii: Namuel et Dathan et Abiram. Isti sunt Dathan et Abiram principes populi, qui surrexerunt contra Moysen et Aaron in seditione Core, quando adversus Dominum rebellaverunt,

¹⁰et aperiens terra os suum devoravit eos et Core, morientibus plurimis, quando combussit ignis ducentos quinquaginta viros; et facti sunt in signum.

¹¹Core pereunte, filii illius non perierunt.

¹²Filii Simeon per cognationes suas: Namuel, ab hoc familia Namuelitarum; Iamin, ab hoc familia Iaminitarum; Iachin, ab hoc familia Iachinitarum;

¹³Zara, ab hoc familia Zaraitarum; Saul, ab hoc familia Saulitarum.

¹⁴Hae sunt familiae de stirpe Simeon, quarum omnis numerus fuit viginti duo milia ducenti.

¹⁵Filii Gad per cognationes suas: Sephon, ab hoc familia Sephonitarum; Haggi, ab hoc familia Haggitarum; Suni, ab hoc familia Sunitarum;

¹⁶Ozni, ab hoc familia Oznitarum; Heri, ab hoc familia Heritarum;

¹⁷Arodi, ab hoc familia Aroditarum; Areli, ab hoc familia Arelitarum.

¹⁸Istae sunt familiae Gad, quarum omnis numerus fuit quadraginta milia quingenti.

¹⁹Filii Iudae Her et Onan, qui ambo mortui sunt in terra Chanaan.

²⁰Fueruntque filii Iudae per cognationes suas: Sela, a quo familia Selanitarum; Phares, a quo familia Pharesitarum; Zara, a quo familia Zaraitarum.

²¹Porro filii Phares: Esrom, a quo familia Esromitarum; et Hamul, a quo familia Hamulitarum.

²²Istae sunt familiae Iudae, quarum omnis numerus fuit septuaginta sex milia quingenti.

²³Filii Issachar per cognationes suas: Thola, a quo familia Tholaitarum; Phua, a quo familia Phuaitarum;

²⁴Iasub, a quo familia Iasubitarum; Semron, a quo familia Semronitarum.

²⁵Hae sunt cognationes Issachar, quarum numerus fuit sexaginta quattuor milia trecenti.

²⁶Filii Zabulon per cognationes suas: Sared, a quo familia Sareditarum; Elon, a quo familia Elonitarum; Iahelel, a quo familia Iahelelitarum.

²⁷Hae sunt cognationes Zabulon, quarum numerus fuit sexaginta milia quingenti.

²⁸Filii Ioseph per cognationes suas: Manasse et Ephraim.

²⁹De Manasse ortus est Machir, a quo familia Machiritarum; Machir genuit Galaad, a quo familia Galaaditarum.

³⁰Galaad habuit filios: Iezer, a quo familia Iezeritarum; et Helec, a quo familia Helecitarum;

³¹et Asriel, a quo familia Asrielitarum; et Sechem, a quo familia Sechemitarum;

³²et Semida, a quo familia Semidaitarum; et Hepher, a quo familia Hepheritarum.

³³Fuit autem Hepher pater Salphaad, qui filios non habebat sed tantum filias, quarum ista sunt nomina: Maala et Noa et Hegla et Melcha et Thersa.

³⁴Hae sunt familiae Manasse, et numerus earum quinquaginta duo milia septingenti.

³⁵Filii autem Ephraim per cognationes suas fuerunt hi: Suthala, a quo familia Suthalaitarum; Becher, a quo familia Becheritarum; Thehen, a quo familia Thehenitarum.

³⁶Porro filius Suthala fuit Heran, a quo familia Heranitarum.

³⁷Hae sunt cognationes filiorum Ephraim, quarum numerus fuit triginta duo milia quingenti. Isti sunt filii Ioseph per familias suas.

³⁸Filii Beniamin in cognationibus suis: Bela, a quo familia Belaitarum; Asbel, a quo familia Asbelitarum; Ahiram, a quo familia Ahiramitarum;

³⁹Supham, a quo familia Suphamitarum; Hupham, a quo familia Huphamitarum.

⁴⁰Filii Bela: Ared et Naaman; de Ared familia Areditarum, de Naaman familia Naamanitarum.

⁴¹Hi sunt filii Beniamin per cognationes suas, quorum numerus fuit quadraginta quinque milia sescenti.

⁴²Filii Dan per cognationes suas: Suham, a quo familia Suhamitarum. Hae sunt cognationes Dan per familias suas:

⁴³omnes fuere Suhamitae, quorum numerus erat sexaginta quattuor milia quadringenti.

⁴⁴Filii Aser per cognationes suas: Iemna, a quo familia Iemnaitarum; Isui, a quo familia Isuitarum; Beria, a quo familia Beriaitarum.

⁴⁵Filii Beria: Heber, a quo familia Heberitarum, et Melchiel a quo familia Melchielitarum.

⁴⁶Nomen autem filiae Aser fuit Sara.

⁴⁷Hae cognationes filiorum Aser, et numerus eorum quinquaginta tria milia quadringenti.

⁴⁸Filii Nephthali per cognationes suas: Iasiel, a quo familia Iasielitarum; Guni, a quo familia Gunitarum;

⁴⁹Ieser, a quo familia Ieseritarum; Sellem, a quo familia Sellemitarum.

⁵⁰Hae sunt cognationes filiorum Nephthali per familias suas, quorum numerus quadraginta quinque milia quadringenti.

⁵¹Ista est summa filiorum Israel qui recensiti sunt: sescenta milia et mille septingenti triginta.

⁵²Locutusque est Dominus ad Moysen dicens:

⁵³“ Istis dividetur terra iuxta numerum vocabulorum in possessiones suas.

⁵⁴Pluribus maiorem partem dabis et paucioribus minorem: singulis, sicut nunc recensiti sunt, tradetur possessio;

⁵⁵ita dumtaxat, ut sors terram dividat. Secundum numerum tribuum patrum suorum hereditabunt.

⁵⁶Quidquid sorte contigerit, hoc vel plures accipiant vel pauciores.

⁵⁷Hic quoque est numerus filiorum Levi per familias suas: Gerson, a quo familia Gersonitarum; Caath, a quo familia Caathitarum; Merari, a quo familia Meraritarum.

⁵⁸Hae sunt familiae Levi: familia Lobni, familia Hebroni, familia Moholi, familia Musi, familia Core. At vero Caath genuit Amram,

⁵⁹qui habuit uxorem Iochabed filiam Levi, quae nata est ei in Aegypto. Haec genuit Amram viro suo filios, Aaron et Moysen et Mariam sororem eorum.

⁶⁰De Aaron orti sunt Nadab et Abiu et Eleazar et Ithamar,

⁶¹quorum Nadab et Abiu mortui sunt, cum obtulissent ignem alienum coram Domino.

⁶²Fueruntque omnes, qui numerati sunt, viginti tria milia generis masculini ab uno mense et supra; quia non sunt recensiti inter filios Israel, nec eis cum ceteris data possessio est.

⁶³Hic est numerus filiorum Israel, qui descripti sunt a Moyse et Eleazaro sacerdote in campestribus Moab supra Iordanem contra Iericho;

⁶⁴inter quos nullus fuit eorum, qui ante numerati sunt a Moyse et Aaron in deserto Sinai:

⁶⁵praedixerat enim Dominus quod omnes morerentur in solitudine; nullusque remansit ex eis, nisi Chaleb filius Iephonne et Iosue filius Nun.