Read Nova_Vulgata Iosue 19 Bible Online

Iosue 19 - Nova_Vulgata bible

Iosue 19

¹Et egressa est sors secunda fi liorum Simeon per cognatio nes suas; fuitque hereditas

²eorum in medio possessionis filiorum Iudae. Bersabee et Sama et Molada

³et Asarsual et Bala et Esem

⁴et Eltholad et Bethul et Horma

⁵et Siceleg et Bethmarchaboth et Asarsusa

⁶et Bethlebaoth et Sarohen: civitates tredecim et villae earum.

⁷Ain et Remmon et Ethar et Asan: civitates quattuor et villae earum.

⁸Omnes viculi per circuitum urbium istarum usque ad Baalathbeer, Ramathnageb: haec est hereditas filiorum Simeon iuxta cognationes suas.

⁹Sumpta est de funiculo filiorum Iudae, quia maior erat; et idcirco possederunt filii Simeon in medio hereditatis eorum.

¹⁰Ceciditque sors tertia filiorum Zabulon per cognationes suas. Et factus est terminus possessionis eorum usque Sarid

¹¹ascenditque contra occidentem et Merala et pervenit in Debbaseth usque ad torrentem, qui est contra Iecnaam,

¹²et revertitur de Sarid contra orientem in fines Ceseleththabor et egreditur ad Dabereth ascenditque contra Iaphia.

¹³Et inde pertransit usque ad orientalem plagam Gethhepher, Etthacasin et egreditur in Remmon et inclinatur in Noa;

¹⁴et vergit ad aquilonem ad Hanathon. Suntque egressus eius vallis Iephthael;

¹⁵et Cateth et Naalol et Semeron et Iedala et Bethlehem: civitates duodecim et villae earum.

¹⁶Haec est hereditas tribus filiorum Zabulon per cognationes suas, urbes et viculi earum.

¹⁷Issachar egressa est sors quarta per cognationes suas.

¹⁸Fuitque eius hereditas Iezrahel et Chasaloth et Sunam

¹⁹et Hapharaim et Seon et Anaharath

²⁰et Rabbith et Cesion et Abes

²¹et Rameth et Engannim et Enhadda et Bethpheses.

²²Et pervenit terminus eius usque Thabor et Sehesima et Bethsames; suntque exitus eius ad Iordanem; civitates sedecim et villae earum.

²³Haec est possessio filiorum Issachar per cognationes suas, urbes et viculi earum.

²⁴Ceciditque sors quinta tribui filiorum Aser per cognationes suas.

²⁵Fuitque terminus eorum Helcath et Chali et Beten et Achsaph

²⁶et Elmelech et Amaad et Masal et pervenit usque ad Carmelum in occidente et ad Sihorlabanath;

²⁷ac revertitur contra orientem in Bethdagon et pertransit usque Zabulon et vallem Iephthael contra aquilonem in Bethemec et Neiel. Egrediturque ad laevam Chabul

²⁸et Abran et Rohob et Hamon et Cana usque ad Sidonem magnam

²⁹revertiturque in Rama usque ad civitatem munitissimam Tyrum et revertitur in Hosa; suntque exitus eius in mare; Mahaleb, Achazib

³⁰et Amma et Aphec et Rohob: civitates viginti duae et villae earum.

³¹Haec est possessio filiorum Aser per cognationes suas, urbes et viculi earum.

³²Filiorum Nephthali sexta sors cecidit per familias suas.

³³Et coepit terminus de Heleph et de quercu in Saananim et Adamineceb et Iebnael usque Lecum et egressus eius usque ad Iordanem;

³⁴revertiturque terminus contra occidentem in Aznotthabor atque inde egreditur in Hucoc et attingit Zabulon contra meridiem et Aser contra occidentem et Iordanem contra ortum solis;

³⁵civitates munitissimae Assedim, Ser et Ammath, Reccath et Chenereth

³⁶et Edema et Rama, Asor

³⁷et Cedes et Edrai et Enasor,

³⁸Ieron et Magdalel, Horem et Bethanath et Bethsames: civitates decem et novem et villae earum.

³⁹Haec est possessio tribus filiorum Nephthali per cognationes suas, urbes et viculi earum.

⁴⁰Tribui filiorum Dan per familias suas egressa est sors septima.

⁴¹Et fuit terminus possessionis eius Saraa et Esthaol et Hirsemes (id est civitas Solis)

⁴²et Selebin et Aialon et Iethela

⁴³et Elon et Thamna et Accaron

⁴⁴et Elthece et Gebbethon et Baalath

⁴⁵et Iud et Benebarach et Gethremmon

⁴⁶et Meiarcon et Areccon cum termino, qui respicit Ioppen.

⁴⁷Et terminus filiorum Dan effugit ab eis. Ascenderuntque filii Dan et pugnaverunt contra Lesem ceperuntque eam; et percusserunt in ore gladii ac possederunt et habitaverunt in ea, vocantes Lesemdan ex nomine Dan patris sui.

⁴⁸Haec est possessio tribus filiorum Dan per cognationes suas, urbes et viculi earum.

⁴⁹Cumque complessent terram sorte dividere singulis per tribus suas, dederunt filii Israel possessionem Iosue filio Nun in medio sui,

⁵⁰iuxta praeceptum Domini, urbem quam postulavit: Thamnathsare in monte Ephraim. Et aedificavit civitatem habitavitque in ea.

⁵¹Hae sunt possessiones, quas sorte diviserunt Eleazar sacerdos et Iosue filius Nun et principes familiarum tribuum filiorum Israel in Silo coram Domino ad ostium tabernaculi conventus; compleveruntque partiri terram.