Read Nova_Vulgata DC Genesis 36 Bible Online

Genesis 36 - Nova_Vulgata DC bible

Genesis 36

¹Hae sunt autem generationes Esau. Ipse est Edom.

²Esau accepit uxores de filiabus Chanaan: Ada filiam Elon Hetthaei et Oolibama filiam Ana filii Sebeon Horraei;

³Basemath quoque filiam Ismael sororem Nabaioth.

⁴Peperit autem Ada Eliphaz, Basemath genuit Rahuel,

⁵Oolibama genuit Iehus et Ialam et Core.Hi filii Esau, qui nati sunt ei in terra Chanaan.

⁶Tulit autem Esau uxores suas et filios et filias et omnes animas domus suae et pecora armenta et cuncta, quae acquisierat in terra Chanaan, et abiit in terram Seir; recessitque a fratre suo Iacob.

⁷Divites enim erant valde et simul habitare non poterant; nec sustinebat eos terra peregrinationis eorum prae multitudine gregum.

⁸Habitavitque Esau in monte Seir. Ipse est Edom.

⁹Hae autem sunt generationes Esau patris Edom in monte Seir,

¹⁰et haec nomina filiorum eius: Eliphaz filius Ada uxoris Esau, Rahuel quoque filius Basemath uxoris eius.

¹¹Fueruntque Eliphaz filii: Theman, Omar, Sepho et Gatham et Cenez.

¹²Erat autem Thamna concubina Eliphaz filii Esau, quae peperit ei Amalec. Hi sunt filii Ada uxoris Esau.

¹³Filii autem Rahuel: Nahath et Zara, Samma et Meza; hi filii Basemath uxoris Esau.

¹⁴Isti erant filii Oolibama filiae Ana filii Sebeon uxoris Esau, quos genuit ei: Iehus et Ialam et Core.

¹⁵Hi duces filiorum Esau. Filii Eliphaz primogeniti Esau: dux Theman, dux Omar, dux Sepho, dux Cenez,

¹⁶dux Core, dux Gatham, dux Amalec. Hi duces Eliphaz in terra Edom; hi filii Ada.

¹⁷Hi filii Rahuel filii Esau: dux Nahath, dux Zara, dux Samma, dux Meza. Hi duces Rahuel in terra Edom; isti filii Basemath uxoris Esau.

¹⁸Hi filii Oolibama uxoris Esau: dux Iehus, dux Ialam, dux Core. Hi duces Oolibama filiae Ana uxoris Esau.

¹⁹Isti sunt filii Esau et hi duces eorum. Ipse est Edom.

²⁰Isti sunt filii Seir Horraei habitatores terrae: Lotan et Sobal et Sebeon et Ana

²¹et Dison et Eser et Disan; hi duces Horraei filii Seir in terra Edom.

²²Facti sunt autem filii Lotan: Hori et Hemam; erat autem soror Lotan Thamna.

²³Et isti filii Sobal: Alvan et Manahath et Ebal, Sepho et Onam.

²⁴Et hi filii Sebeon: Aia et Ana. Iste est Ana, qui invenit aquas calidas in solitudine, cum pasceret asinos Sebeon patris sui.

²⁵Habuitque filium Dison et filiam Oolibama.

²⁶Et isti filii Dison: Hemdan et Eseban et Iethran et Charran.

²⁷Hi filii Eser: Bilhan et Zavan et Iacan.

²⁸Habuit autem filios Disan: Us et Aran.

²⁹Isti duces Horraeorum: dux Lotan, dux Sobal, dux Sebeon, dux Ana,

³⁰dux Dison, dux Eser, dux Disan; isti duces Horraeorum secundum tribus eorum in terra Seir.

³¹Reges autem, qui regnaverunt in terra Edom, antequam haberent regem filii Israel, fuerunt hi.

³²Regnavit in Edom Bela filius Beor, nomenque urbis eius Denaba.

³³Mortuus est autem Bela, et regnavit pro eo Iobab filius Zarae de Bosra.

³⁴Cumque mortuus esset Iobab, regnavit pro eo Husam de terra Themanorum.

³⁵Hoc quoque mortuo, regnavit pro eo Adad filius Badad, qui percussit Madian in regione Moab; et nomen urbis eius Avith.

³⁶Cumque mortuus esset Adad, regnavit pro eo Semla de Masreca.

³⁷Hoc quoque mortuo, regnavit pro eo Saul de Rohoboth iuxta fluvium.

³⁸Cumque et hic obiisset, successit in regnum Baalhanan filius Achobor.

³⁹Isto quoque mortuo, regnavit pro eo Adad, nomenque urbis eius Phau; et appellabatur uxor eius Meetabel filia Matred filiae Mezaab.

⁴⁰Haec ergo nomina ducum Esau in cognationibus et locis et vocabulis suis: dux Thamna, dux Alva, dux Ietheth,

⁴¹dux Oolibama, dux Ela, dux Phinon,

⁴²dux Cenez, dux Theman, dux Mabsar,

⁴³dux Magdiel, dux Iram.Hi duces Edom habitantes in terra imperii sui. Ipse est Esau pater Idumaeorum.