Read Nova_Vulgata DC Iob 14 Bible Online

Iob 14 - Nova_Vulgata DC bible

Iob 14

¹Homo natus de muliere,brevi vivens tempore, commotione satiatur.

²Qui quasi flos egreditur et arescitet fugit velut umbra et non permanet.

³Et dignum ducis super huiuscemodi aperire oculos tuoset adducere eum tecum in iudicium?

⁴Quis potest facere mundum de immundo?Ne unus quidem!

⁵Si statuti dies hominis sunt,et numerus mensium eius apud te est,et constituti sunt termini eius, quos non praeteribit,

⁶averte oculos tuos ab eo, ut quiescat,donec solvat, sicut mercennarius, dies suos.

⁷Nam lignum habet spem;si praecisum fuerit, rursum virescet,et rami eius non deficient.

⁸Si senuerit in terra radix eius,et in pulvere emortuus fuerit truncus illius,

⁹ad odorem aquae germinabitet faciet comam quasi novellae.

¹⁰Homo vero cum mortuus fuerit et debilitatur,exspirat homo et, ubi, quaeso, est?

¹¹Recedent aquae de mari,et fluvius vacuefactus arescet;

¹²sic homo, cum dormierit, non resurget:donec atteratur caelum, non evigilabitnec consurget de somno suo.

¹³Quis mihi hoc tribuat, ut in inferno seponas meet abscondas me, donec pertranseat furor tuus,et constituas mihi tempus, in quo recorderis mei?

¹⁴Putasne mortuus homo rursum vivat?Cunctis diebus, quibus nunc milito,exspectarem, donec veniat immutatio mea.

¹⁵Vocares me, et ego responderem tibi;opus manuum tuarum requireres.

¹⁶Tu quidem nunc gressus meos dinumerares,sed parceres peccatis meis.

¹⁷Signares quasi in sacculo delicta mea,sed dealbares iniquitatem meam.

¹⁸Mons cadens decidit,et saxum transfertur de loco suo;

¹⁹lapides excavant aquae,et alluvione terra inundatur:et spem hominis perdes.

²⁰Praevales adversus eum, et in perpetuum transiet;immutas faciem eius et emittis eum.

²¹Sive nobiles fuerint filii eius, non novit;sive ignobiles, non intellegit.

²²Attamen caro eius, dum vivet, dolet,et anima illius super semetipso luget".