Read Nova_Vulgata DC Iob 16 Bible Online

Iob 16 - Nova_Vulgata DC bible

Iob 16

¹Respondens autem Iob dixit:

²" Audivi frequenter talia!onsolatores molesti omnes vos estis.

³Numquid habebunt finem verba ventosa,aut quid te exacerbat, ut respondeas?

⁴Poteram et ego similia vestri loqui,si esset anima vestra pro anima mea!Concinnarem super vos sermoneset moverem caput meum super vos.

⁵Roborarem vos ore meoet motum labiorum meorum non cohiberem.

⁶Si locutus fuero, non quiescet dolor meuset, si tacuero, non recedet a me;

⁷nunc autem defatigavit me dolor meus,et tu vastasti omnem coetum meum.

⁸Rugae meae testimonium dicunt contra me;et suscitatur falsiloquus adversus faciem meam contradicens mihi,

⁹Ira eius discerpsit me et adversata est mihi,et infremuit contra me dentibus suis.Hostis meus acuit oculos suos in me.

¹⁰Aperuerunt super me ora suaet exprobrantes percusserunt maxillam meam,simul conferti contra me.

¹¹Concludit me Deus apud iniquumet manibus impiorum me tradit.

¹²Ego, ille quondam tranquillus, repente contritus sum.Tenuit cervicem meam, confregit meet posuit me sibi quasi in signum.

¹³Circumdedit me lanceis suis,scidit lumbos meos, non pepercitet effudit in terra iecur meum.

¹⁴Dirupit me rumpens et diruens,irruit in me quasi gigas.

¹⁵Saccum consui super cutem meamet dimisi in terram cornu meum.

¹⁶Facies mea rubuit a fletu,et palpebrae meae caligaverunt;

¹⁷attamen absque iniquitate manus meae,cum haberem mundas preces.

¹⁸Terra, ne operias sanguinem meum,neque inveniat in te locum latendi clamor meus.

¹⁹Ecce enim in caelo testis meus,et conscius meus in excelsis.

²⁰Interpretes mei sunt cogitationes meae:ad Deum stillat oculus meus.

²¹Atque utinam sic iudicaretur vir cum Deo,sicut iudicatur filius hominis cum collega suo.

²²Ecce enim breves anni transeunt,et semitam, per quam non revertar, ambulo.