Read Nova_Vulgata DC Iob 24 Bible Online

Iob 24 - Nova_Vulgata DC bible

Iob 24

¹Cur ab Omnipotente non sunt abscondita tempora,qui autem noverunt eum, ignorant dies illius?

²Alii terminos transtulerunt,diripuerunt greges et paverunt eos.

³Asinum pupillorum abegeruntet abstulerunt pro pignore bovem viduae.

⁴Subverterunt pauperum viam,et simul se occultare coacti sunt mansueti terrae.

⁵Alii, quasi onagri in deserto,egrediuntur ad opus suum:vigilantes ad praedamin terra arida ad panem liberis.

⁶Agrum non suum demetuntet vineam peccatoris vindemiant.

⁷Nudi pernoctant sine indumento,nec est eis operimentum in frigore.

⁸Imbre montium riganturet non habentes refugium adhaerent rupibus.

⁹Abripuerunt pupillum ab ubereet pauperem pignori sumpserunt;

¹⁰nudi et incedentes absque vestituet esurientes portant spicas.

¹¹Inter muros oleum expresseruntet calcatis torcularibus sitiunt.

¹²De civitatibus morientes ingemuerunt,et anima vulneratorum clamavit,et Deus non ponit aurem ad precem.

¹³Ipsi fuerunt rebelles lumini,nescierunt vias eiusnec morati sunt in semitis eius.

¹⁴Mane primo consurgit homicida,interficit egenum et pauperem;per noctem vero erit quasi fur.

¹⁵Oculus adulteri observat caliginemdicens: "Non me videbit oculus";et operiet vultum suum.

¹⁶Perfodit in tenebris domos, interdiu sese abdideruntet ignoraverunt lucem.

¹⁷Si subito apparuerit aurora, arbitrantur umbram mortis,nam sunt assueti terroribus umbrae mortis.

¹⁸"Levis est super faciem aquae;maledicta est pars eius in terra,nec est qui se dirigat ad vineas eius.

¹⁹Siccitas et calor abstulerunt aquas nivium,et inferi eos, qui peccaverunt.

²⁰Sinus matris obliviscatur eius,dulcedo illius vermes fiant;non sit in recordatione,sed conteratur quasi lignum iniquitas.

²¹Male egit cum sterili, quae non parit,et viduae bene non fecit.

²²Detraxit fortes in fortitudine suaet, cum steterit, ille non credet vitae suae.

²³Dedit ei locum securitatis, quo sustentetur;oculi autem eius sunt in viis illius.

²⁴Elevati sunt ad modicum et non subsistent,et humiliabuntur sicut omnia et auferenturet sicut summitates spicarum conterentur".

²⁵Quod si non est ita, quis me potest arguere esse mentitumet ponere in nihilum verba mea?".