Read Nova_Vulgata DC Iob 33 Bible Online

Iob 33 - Nova_Vulgata DC bible

Iob 33

¹Audi igitur, Iob, eloquia meaet omnes sermones meos ausculta.

²Ecce aperui os meum,loquatur lingua mea in faucibus meis.

³Ex recto corde sermones mei sunt,et sententiam puram labia mea loquentur.

⁴Spiritus Dei fecit me,et spiraculum Omnipotentis vivificavit me.

⁵Si potes, responde mihi,praepara te coram me et consiste.

⁶Ecce ego sicut tu coram Deo sumet de eodem luto abscissus sum et ego.

⁷Verumtamen terror meus non te terreat,et onus meum non sit tibi grave.

⁸Dixisti ergo in auribus meis,et vocem verborum tuorum audivi:

⁹"Mundus sum ego et absque delicto;immaculatus, et non est iniquitas in me.

¹⁰Quia querelas in me repperit,ideo arbitratus est me inimicum sibi;

¹¹posuit in nervo pedes meos,custodivit omnes semitas meas".

¹²Hoc est ergo, in quo non es iustificatus, respondebo tibi,quia maior est Deus homine.

¹³Quare adversus eum contendis,quod non ad omnia verba responderit tibi?

¹⁴Semel loquitur Deus,et secundo idipsum non repetit.

¹⁵Per somnium in visione nocturna,quando irruit sopor super homines,et dormiunt in lectulo,

¹⁶tunc aperit aures virorumet in visionibus terret eos,

¹⁷ut avertat hominem ab his, quae facit,et liberet eum de superbia,

¹⁸eruens animam eius a foveaet vitam illius, ut non transeat canalem mortis.

¹⁹Increpat quoque per dolorem in lectulo,et tremitus ossium eius continuus.

²⁰Abominabilis ei fit in vita sua panis,et animae illius cibus ante desiderabilis.

²¹Tabescet caro eius in conspectu,et ossa, quae non videbantur, nudabuntur.

²²Appropinquavit corruptioni foveae,et vita illius mortiferis sedibus.

²³Si fuerit apud eum angelus, unus de milibus interpres,ut annuntiet homini aequitatem,

²⁴miserebitur eius et dicet:Libera eum, ut non descendat in foveam;inveni, in quo ei propitier".

²⁵Revirescet caro eius plus quam in iuventute,revertetur ad dies adulescentiae suae.

²⁶Deprecabitur Deum, et placabilis ei erit;et videbit faciem eius in iubilo,et reddet homini iustitiam suam.

²⁷Canit ad homines et dicit: "Peccavi et iustitiam pervertiet non debui satisfacere.

²⁸Liberavit animam suam, ne pergeret in foveam,sed vivens lucem videret".

²⁹Ecce haec omnia operatur Deusduobus, tribus vicibus cum homine,

³⁰ut revocet animas eorum a foveaet illuminet luce viventium.

³¹Attende, Iob, et audi meet tace, dum ego loquor.

³²Si autem habes quod loquaris, responde mihi; loquere, volo enim te apparere iustum.

³³Quod si non habes, audi me;tace, et docebo te sapientiam".