Read Nova_Vulgata DC Iob 34 Bible Online

Iob 34 - Nova_Vulgata DC bible

Iob 34

¹Pronuntians itaque Eliu etiam haec locutus est:

²" Audite, sapientes, verba mea;et eruditi, auscultate me.

³Auris enim verba probat,et guttur escas gustu diiudicat.

⁴Iudicium eligamus nobiset inter nos videamus quid sit melius.

⁵Quia dixit Iob: "Iustus sum,et Deus avertit iudicium meum;

⁶in iudicando enim me mendacium est,violenta sagitta mea absque ullo peccato".

⁷Quis est vir, ut est Iob,qui bibit subsannationem quasi aquam,

⁸qui graditur una cum operantibus iniquitatemet ambulat cum viris impiis?

⁹Dixit enim: "Non prodest viro,etiamsi cum Deo familiariter agit".

¹⁰Ideo, viri cordati, audite me:Absit a Deo impietas, et ab Omnipotente iniquitas.

¹¹Opus enim hominis reddet eiet iuxta vias singulorum restituet eis.

¹²Vere enim Deus non operatur malum,nec Omnipotens subvertet iudicium.

¹³Quis commisit ei terram suam,aut quis posuit totum orbem?

¹⁴Si direxerit ad se cor suum,spiritum illius et halitum ad se trahat,

¹⁵deficiet omnis caro simul,et homo in cinerem revertetur.

¹⁶Si habes ergo intellectum, audi hocet ausculta vocem eloquii mei:

¹⁷Numquid, qui non amat iudicium, reget imperio?Num iustum magnum condemnabis,

¹⁸qui dicet regi: "Nequam!",qui vocabit duces: "Impios!",

¹⁹qui non accipit personas principumnec cognovit opulentum,cum disceptaret contra pauperem?Opus enim manuum eius sunt universi.

²⁰Subito morientur; et in media nocteturbabuntur populi et pertransibunt,et auferent violentum absque conatu.

²¹Oculi enim eius super vias hominum,et omnes gressus eorum considerat.

²²Non sunt tenebrae, et non est umbra mortis,ut abscondantur ibi, qui operantur iniquitatem.

²³Nec enim ultra homini ponit conveniendi locum,ut veniat ad Deum in iudicium.

²⁴Conteret potentes sine inquisitioneet stare faciet alios pro eis.

²⁵Novit enim opera eorumet idcirco inducet noctem, et conterentur.

²⁶Quasi impios percussit eosin loco videntium,

²⁷qui quasi de industria recesserunt ab eoet omnes vias eius intellegere noluerunt,

²⁸cum induceret ad se clamorem egeni et audiret vocem pauperum.

²⁹Ipse enim si quieverit, quis est qui condemnet?Et si absconderit vultum, quis est qui contempletur eum,super gentem et super homines simul?

³⁰Ne regnet homo impius,ne sint laquei populo.

³¹Si enim dixit quispiam Deo:Ferre debui! Iam non perverse agam.

³²Dum videam, tu doce me;si iniquitatem operatus sum, ultra non addam".

³³Numquid pro te Deus satisfaciet,quia respuisti?Tu enim eliges, et non ego;et si quid nosti melius, loquere.

³⁴Viri intellegentes loquentur mihi,et vir sapiens, qui audiet me:

³⁵"Iob autem non in sapientia locutus est,et verba illius non sonant disciplinam".

³⁶Utique, probetur Iob usque ad finemde responsionibus hominum iniquitatis.

³⁷Quia addit super peccata sua delictum,inter nos plaudit manibuset multiplicat sermones suos contra Deum".