Read Nova_Vulgata DC Iob 38 Bible Online

Iob 38 - Nova_Vulgata DC bible

Iob 38

¹Respondens autem Dominus Iob de turbine dixit:

²" Quis est iste obscurans consiliumsermonibus imperitis?

³Accinge sicut vir lumbos tuos;interrogabo te, et edoce me.

⁴Ubi eras, quando ponebam fundamenta terrae?Indica mihi, si habes intellegentiam.

⁵Quis posuit mensuras eius, si nosti?Vel quis tetendit super eam lineam?

⁶Super quo bases illius solidatae sunt?Aut quis demisit lapidem angularem eius,

⁷cum clamarent simul astra matutina,et iubilarent omnes filii Dei?

⁸Quis conclusit ostiis mare,quando erumpebat quasi de visceribus procedens,

⁹cum ponerem nubem vestimentum eiuset caligine illud quasi fascia obvolverem?

¹⁰Definivi illud terminis meiset posui vectem et ostia

¹¹et dixi: Usque huc venies et non procedes ampliuset hic confringes tumentes fluctus tuos.

¹²Numquid in diebus tuis praecepisti diluculoet assignasti aurorae locum suum,

¹³et, cum extrema terrae teneres,excussi sunt impii ex ea?

¹⁴Vertetur in lutum signatumet stabit sicut vestimentum.

¹⁵Cohibetur ab impiis lux sua,et brachium excelsum confringetur.

¹⁶Numquid ingressus es scaturigines mariset in novissimis abyssi deambulasti?

¹⁷Numquid apertae sunt tibi portae mortis,et ostia tenebrosa vidisti?

¹⁸Numquid considerasti latitudinem terrae?Indica mihi, si nosti omnia:

¹⁹In qua via lux habitet,et tenebrarum quis locus sit;

²⁰ut ducas unumquodque ad terminos suoset intellegas semitas domus eius?

²¹Novisti, nam tunc natus eras,et numerus dierum tuorum multus!

²²Numquid ingressus es thesauros nivisaut thesauros grandinis aspexisti,

²³quae praeparavi in tempus angustiae,in diem pugnae et belli?

²⁴Per quam viam spargitur lux,diffunditur ventus urens super terram?

²⁵Quis dedit vehementissimo imbri cursumet viam fulmini tonanti,

²⁶ut plueret super terram absque homine,in deserto, ubi nullus mortalium commoratur,

²⁷ut impleret inviam et desolatamet produceret herbas in terra arida?

²⁸Quis est pluviae pater,vel quis genuit stillas roris?

²⁹De cuius sinu egressa est glacies,et pruinam de caelo quis genuit?

³⁰In similitudinem lapidis aquae durantur,et superficies abyssi constringitur.

³¹Numquid coniungere valebis nexus stellarum Pleiadumaut funiculum Arcturi poteris solvere?

³²Numquid produces Coronam in tempore suoet Ursam cum filiis ducis tu?

³³Numquid nosti leges caeliet pones scripturam eius in terra?

³⁴Numquid elevabis in nebula vocem tuam,et impetus aquarum operiet te?

³⁵Numquid mittes fulgura, et ibuntet dicent tibi: "Adsumus!"?

³⁶Quis posuit in visceribus ibis sapientiam,vel quis dedit gallo intellegentiam?

³⁷Quis recensebit nubes in sapientia,et utres caeli quis declinabit,

³⁸quando funditur pulvis in solidum,et glebae compinguntur?

³⁹Numquid capies leaenae praedamet animam catulorum eius implebis,

⁴⁰quando cubant in antriset in specubus insidiantur?

⁴¹Quis praeparat corvo escam suam,quando pulli eius clamant ad Deum vagantes,eo quod non habeant cibos?