Read Nova_Vulgata DC Iob 39 Bible Online

Iob 39 - Nova_Vulgata DC bible

Iob 39

¹Numquid nosti tempus partus ibicum in petrisvel parturientes cervas observasti?

²Dinumerasti menses conceptus earumet scisti tempus partus earum?

³Incurvantur ad fetum et pariuntet fetus suos emittunt.

⁴Impinguantur filii earum et adolescunt in campo,egrediuntur et non revertuntur ad eas.

⁵Quis dimisit onagrum liberum,et vincula ipsius quis solvit?

⁶Cui dedi in solitudine domumet tabernacula eius in terra salsuginis.

⁷Contemnit multitudinem civitatis,clamorem exactoris non audit.

⁸Explorat montes pascuae suaeet virentia quaeque perquirit.

⁹Numquid volet taurus ferus servire tibiaut morabitur ad praesepe tuum?

¹⁰Numquid alligabis taurum ferum ad arandum loro tuo,aut confringet glebas vallium post te?

¹¹Numquid fiduciam habebis in magna fortitudine eiuset derelinques ei labores tuos?

¹²Numquid credes illi quod revertaturet sementem in aream tuam congreget?

¹³Ala struthionis laeta est,penna vero ciconiae et avolat.

¹⁴Quando derelinquit ova sua in terra,in pulvere calefiunt.

¹⁵Obliviscitur quod pes conculcet ea,aut bestia agri conterat.

¹⁶Duratur ad filios suos quasi non sint sui;frustra laborans nullo timore anxiatur.

¹⁷Privavit enim eam Deus sapientianec dedit illi intellegentiam.

¹⁸Cum tempus fuerit, in altum alas erigit,deridet equum et ascensorem eius.

¹⁹Numquid praebebis equo fortitudinemaut circumdabis collo eius iubam?

²⁰Numquid suscitabis eum quasi locustas?Gloria hinnitus eius terror;

²¹vallem ungula fodit, exsultat audacter,in occursum pergit armatis.

²²Contemnit pavorem nec territurneque cedit gladio.

²³Super ipsum sonabit pharetra,micat hasta et acinaces.

²⁴Fervens et fremens sorbet terramnec consistet, cum tubae sonaverit clangor.

²⁵Ubi audierit bucinam, dicit: "Uah!".Procul odoratur bellum,exhortationem ducum et ululatum exercitus.

²⁶Numquid per sapientiam tuam plumescit accipiter,expandens alas suas ad austrum?

²⁷Numquid ad praeceptum tuum elevabitur aquilaet in arduis ponet nidum suum?

²⁸In petris manetet in praeruptis silicibus commoraturatque in culmine et arce.

²⁹Inde contemplatur escam,et de longe oculi eius prospiciunt.

³⁰Pulli eius lambent sanguinem;et, ubicumque cadaver fuerit, statim adest".