Read Nova_Vulgata DC Iob 4 Bible Online

Iob 4 - Nova_Vulgata DC bible

Iob 4

¹Respondens autem Eliphaz Themanites dixit:

²" Si coeperimus loqui tibi, forsitan moleste accipies;sed conceptum sermonem tenere quis poterit?

³Ecce, docuisti multoset manus lassas roborasti;

⁴vacillantes confirmaverunt sermones tui,et genua trementia confortasti.

⁵Nunc autem venit super te plaga, et defecisti;tetigit te, et conturbatus es.

⁶Nonne timor tuus est fiducia tua,spes tua est perfectio viarum tuarum?

⁷Recordare, obsecro te, quis umquam innocens periit,aut quando recti deleti sunt?

⁸quin potius vidi eos, qui operantur iniquitatemet seminant dolores et metunt eos,

⁹flante Deo perisse,et spiritu irae eius esse consumptos.

¹⁰Rugitus leonis et vox leaenaeet dentes catulorum leonum contriti sunt.

¹¹Leo periit, eo quod non haberet praedam,et catuli leonis dissipati sunt.

¹²Porro ad me furtive verbum delatum est,et suscepit auris mea sussurrum eius.

¹³In horrore visionis nocturnae,quando solet sopor occupare homines,

¹⁴pavor tenuit me et tremor,et omnia ossa mea perterrita sunt.

¹⁵Et cum spiritus, me praesente, transiret,inhorruerunt pili carnis meae.

¹⁶Stetit quidam, cuius non agnoscebam vultum,imago coram oculis meis,et vocem quasi aurae lenis audivi:

¹⁷"Numquid homo Dei comparatione iustificabitur,aut factore suo purior erit vir?".

¹⁸Ecce, in servis suis fiduciam non habetet in angelis suis reperit pravitatem.

¹⁹Quanto magis hi, qui habitant domos luteas,quorum fundamentum est in pulvere.Consumentur velut tinea!

²⁰De mane usque ad vesperam succidenturet, quia nullus intellegit, in aeternum peribunt.

²¹Nonne evulsum est reliquum eorum ab eis?Morientur, et non in sapientia.