Read Nova_Vulgata DC Iob 8 Bible Online

Iob 8 - Nova_Vulgata DC bible

Iob 8

¹Respondens autem Baldad Suhites dixit:

²" Usquequo loqueris talia,et spiritus vehemens sermones oris tui?

³Numquid Deus supplantat iudicium,aut Omnipotens subvertit, quod iustum est?

⁴Et si filii tui peccaverunt ei,et dimisit eos in manu iniquitatis suae,

⁵tu tamen, si diluculo consurrexeris ad Deumet Omnipotentem fueris deprecatus,

⁶si mundus et rectus incesseris,statim evigilabit ad teet pacatum reddet habitaculum iustitiae tuae;

⁷in tantum ut, si priora tua fuerint parva,et novissima tua multiplicentur nimis.

⁸Interroga enim generationem pristinamet diligenter investiga patrum memoriam.

⁹Hesterni quippe sumus et ignoramus,quoniam sicut umbra dies nostri sunt super terram.

¹⁰Nonne ipsi docebunt te, loquentur tibiet de corde suo proferent eloquia?

¹¹Numquid virere potest scirpus absque umore,aut crescere carectum sine aqua?

¹²Cum adhuc sit in flore, nec carpatur manu,ante omnes herbas arescit.

¹³Sic viae omnium, qui obliviscuntur Deum,et spes impii peribit.

¹⁴Cuius spes filum tenue,et sicut tela aranearum fiducia eius.

¹⁵Innitetur super domum suam et non stabit;fulciet eam et non consurget.

¹⁶Umectus videtur, antequam veniat sol,et in horto suo germen eius egredietur.

¹⁷Super acervum petrarum radices eius densabuntur,et inter lapides commorabitur.

¹⁸Si absorbuerit eum de loco suo,negabit eum et dicet: "Non novi te".

¹⁹Haec est enim laetitia viae eius,ut rursum de terra alii germinentur.

²⁰Deus non proiciet simplicemnec porriget manum malignis,

²¹donec impleatur risu os tuum,et labia tua iubilo.

²²Qui oderunt te, induentur confusione,et tabernaculum impiorum non subsistet".