Read Nova_Vulgata DC Psalmorum 10 Bible Online

Psalmorum 10 - Nova_Vulgata DC bible

Psalmorum 10

¹LAMED. Ut quid, Domine, stas a longe,abscondis te in opportunitatibus, in tribulatione?

²Dum superbit, impius insequitur pauperem;comprehendantur in consiliis, quae cogitant.

³Quoniam gloriatur peccator in desideriis animae suae,et avarus sibi benedicit.

⁴NUN. Spernit Dominum peccator in arrogantia sua: Non requiret; non est Deus".

⁵Hae sunt omnes cogitationes eius;prosperantur viae illius in omni tempore.Excelsa nimis iudicia tua a facie eius;omnes inimicos suos aspernatur.

⁶Dixit enim in corde suo: "Non movebor;in generationem et generationem ero sine malo".

⁷PHE. Cuius maledictione os plenum est et fraudulentia et dolo,sub lingua eius labor et nequitia.

⁸Sedet in insidiis ad vicos,in occultis interficit innocentem.

⁹SADE. Oculi eius in pauperem respiciunt;insidiatur in abscondito quasi leo in spelunca sua.Insidiatur, ut rapiat pauperem;rapit pauperem, dum attrahit in laqueum suum.

¹⁰Irruit et inclinat se, et miseri caduntin fortitudine brachiorum eius.

¹¹Dixit enim in corde suo: "Oblitus est Deus;avertit faciem suam, non videbit in finem". -

¹²COPH. Exsurge, Domine Deus, exalta manum tuam,ne obliviscaris pauperum.

¹³Propter quid spernit impius Deum?Dixit enim in corde suo: "Non requires".

¹⁴RES. Vidisti: tu laborem et dolorem consideras,ut tradas eos in manus tuas.Tibi derelictus est pauper,orphano tu factus es adiutor.

¹⁵SIN. Contere brachium peccatoris et maligni;quaeres peccatum illius et non invenies.

¹⁶Dominus rex in aeternum et in saeculum saeculi:perierunt gentes de terra illius.

¹⁷TAU. Desiderium pauperum exaudisti, Domine;confirmabis cor eorum, intendes aurem tuam

¹⁸iudicare pupillo et humili,ut non apponat ultra inducere timorem homo de terra.