Read Nova_Vulgata DC Psalmorum 107 Bible Online

Psalmorum 107 - Nova_Vulgata DC bible

Psalmorum 107

¹ALLELUIA. Confitemini Domino, quoniam bonus, quoniam in saeculum misericordia eius.

²Dicant, qui redempti sunt a Domino,quos redemit de manu adversarii

³et de regionibus congregavit eos,a solis ortu et occasu,ab aquilone et mari.

⁴Erraverunt in solitudine, in inaquoso,viam civitatis habitationis non invenerunt.

⁵Esurientes et sitientes,anima eorum in ipsis defecit.

⁶Et clamaverunt ad Dominum, cum tribularentur,et de necessitatibus eorum eripuit eos.

⁷Et deduxit eos in viam rectam,ut irent in civitatem habitationis.

⁸Confiteantur Domino propter misericordiam eiuset mirabilia eius in filios hominum,

⁹quia satiavit animam sitientemet animam esurientem replevit bonis.

¹⁰Sedentes in tenebris et umbra mortis,vincti in mendicitate et ferro,

¹¹quia exacerbaverunt eloquia Deiet consilium Altissimi spreverunt.

¹²Et humiliavit in laboribus cor eorum,infirmati sunt, nec fuit qui adiuvaret.

¹³Et clamaverunt ad Dominum, cum tribularentur,et de necessitatibus eorum liberavit eos.

¹⁴Et eduxit eos de tenebris et umbra mortiset vincula eorum dirupit.

¹⁵Confiteantur Domino propter misericordiam eiuset mirabilia eius in filios hominum,

¹⁶quia contrivit portas aereaset vectes ferreos confregit.

¹⁷Stulti facti sunt in via iniquitatis suaeet propter iniustitias suas afflicti sunt;

¹⁸omnem escam abominata est anima eorum,et appropinquaverunt usque ad portas mortis.

¹⁹Et clamaverunt ad Dominum, cum tribularentur,et de necessitatibus eorum liberavit eos.

²⁰Misit verbum suum et sanavit eoset eripuit eos de interitionibus eorum.

²¹Confiteantur Domino propter misericordiam eiuset mirabilia eius in filios hominum;

²²et sacrificent sacrificium laudiset annuntient opera eius in exsultatione.

²³Qui descendunt mare in navibus,facientes operationem in aquis multis,

²⁴ipsi viderunt opera Dominiet mirabilia eius in profundo.

²⁵Dixit et excitavit spiritum procellae,et exaltati sunt fluctus eius.

²⁶Ascendunt usque ad caeloset descendunt usque ad abyssos;anima eorum in malis tabescebat.

²⁷Turbati sunt et moti sunt sicut ebrius,et omnis sapientia eorum devorata est.

²⁸Et clamaverunt ad Dominum, cum tribularentur,et de necessitatibus eorum eduxit eos.

²⁹Et statuit procellam eius in auram,et tacuerunt fluctus eius.

³⁰Et laetati sunt, quia siluerunt,et deduxit eos in portum voluntatis eorum.

³¹Confiteantur Domino propter misericordiam eiuset mirabilia eius in filios hominum;

³²et exaltent eum in ecclesia plebiset in conventu seniorum laudent eum.

³³Posuit flumina in desertumet exitus aquarum in sitim,

³⁴terram fructiferam in salsuginema malitia inhabitantium in ea.

³⁵Posuit desertum in stagna aquarumet terram sine aqua in exitus aquarum.

³⁶Et collocavit illic esurientes,et constituerunt civitatem habitationis.

³⁷Et seminaverunt agros et plantaverunt vineas,et fecerunt fructum in proventum suum.

³⁸Et benedixit eis, et multiplicati sunt nimis,et iumenta eorum non minoravit.

³⁹Et pauci facti sunt et vexati sunta tribulatione malorum et dolore.

⁴⁰Effudit contemptionem super principeset errare fecit eos in deserto invio.

⁴¹Et suscepit pauperem de inopiaet posuit sicut oves familias.

⁴²Videbunt recti et laetabuntur,et omnis iniquitas oppilabit os suum.

⁴³Quis sapiens, et custodiet haecet intelleget misericordias Domini?.