Read Nova_Vulgata DC Psalmorum 145 Bible Online

Psalmorum 145 - Nova_Vulgata DC bible

Psalmorum 145

¹Laudes. David.ALEPH. Exaltabo te, Deus meus, rex,et benedicam nomini tuoin saeculum et in saeculum saeculi.

²BETH. Per singulos dies benedicam tibiet laudabo nomen tuumin saeculum et in saeculum saeculi.

³GHIMEL. Magnus Dominus et laudabilis nimis,et magnitudinis eius non est investigatio.

⁴DALETH. Generatio generationi laudabit opera tua,et potentiam tuam pronuntiabunt.

⁵HE. Magnificentiam gloriae maiestatis tuae loquenturet mirabilia tua enarrabunt.

⁶VAU. Et virtutem terribilium tuorum dicentet magnitudinem tuam narrabunt.

⁷ZAIN. Memoriam abundantiae suavitatis tuae eructabuntet iustitia tua exsultabunt.

⁸HETH. Miserator et misericors Dominus,longanimis et multae misericordiae.

⁹TETH. Suavis Dominus universis,et miserationes eius super omnia opera eius.

¹⁰IOD. Confiteantur tibi, Domine, omnia opera tua;et sancti tui benedicant tibi.

¹¹CAPH. Gloriam regni tui dicantet potentiam tuam loquantur,

¹²LAMED. ut notas faciant filiis hominum potentias tuaset gloriam magnificentiae regni tui.

¹³MEM. Regnum tuum regnum omnium saeculorum,et dominatio tua in omnem generationem et generationem.NUN. Fidelis Dominus in omnibus verbis suiset sanctus in omnibus operibus suis.

¹⁴SAMECH. Allevat Dominus omnes, qui corruunt,et erigit omnes depressos.

¹⁵AIN. Oculi omnium in te sperant,et tu das illis escam in tempore opportuno.

¹⁶PHE. Aperis tu manum tuamet imples omne animal in beneplacito.

¹⁷SADE. Iustus Dominus in omnibus viis suiset sanctus in omnibus operibus suis.

¹⁸COPH. Prope est Dominus omnibus invocantibus eum,omnibus invocantibus eum in veritate.

¹⁹RES. Voluntatem timentium se facietet deprecationem eorum exaudiet et salvos faciet eos.

²⁰SIN. Custodit Dominus omnes diligentes seet omnes peccatores disperdet.

²¹TAU. Laudationem Domini loquetur os meum,et benedicat omnis caro nomini sancto eiusin saeculum et in saeculum saeculi.