Read Nova_Vulgata DC Psalmorum 31 Bible Online

Psalmorum 31 - Nova_Vulgata DC bible

Psalmorum 31

¹Magistro chori. PSALMUS. David.

²In te, Domine, speravi, non confundar in aeternum;in iustitia tua libera me.

³Inclina ad me aurem tuam,accelera, ut eruas me.Esto mihi in rupem praesidiiet in domum munitam, ut salvum me facias.

⁴Quoniam fortitudo mea et refugium meum es tuet propter nomen tuum deduces me et pasces me.

⁵Educes me de laqueo, quem absconderunt mihi,quoniam tu es fortitudo mea.

⁶In manus tuas commendo spiritum meum;redemisti me, Domine, Deus veritatis.

⁷Odisti observantes vanitates supervacuas,ego autem in Domino speravi.

⁸Exsultabo et laetabor in misericordia tua,quoniam respexisti humilitatem meam;agnovisti necessitates animae meae

⁹nec conclusisti me in manibus inimici;statuisti in loco spatioso pedes meos.

¹⁰Miserere mei, Domine, quoniam tribulor;conturbatus est in maerore oculus meus,anima mea et venter meus.

¹¹Quoniam defecit in dolore vita mea,et anni mei in gemitibus;infirmata est in paupertate virtus mea,et ossa mea contabuerunt.

¹²Apud omnes inimicos meos factus sum opprobriumet vicinis meis valde et timor notis meis:qui videbant me foras, fugiebant a me.

¹³Oblivioni a corde datus sum tamquam mortuus;factus sum tamquam vas perditum.

¹⁴Quoniam audivi vituperationem multorum: horror in circuitu;in eo dum convenirent simul adversum me,auferre animam meam consiliati sunt.

¹⁵Ego autem in te speravi, Domine;dixi: "Deus meus es tu,

¹⁶in manibus tuis sortes meae".Eripe me de manu inimicorum meorumet a persequentibus me;

¹⁷illustra faciem tuam super servum tuum,salvum me fac in misericordia tua.

¹⁸Domine, non confundar, quoniam invocavi te;erubescant impii et obmutescant in inferno.

¹⁹Muta fiant labia dolosa,quae loquuntur adversus iustum protervain superbia et in abusione.

²⁰Quam magna multitudo dulcedinis tuae, Domine,quam abscondisti timentibus te.Perfecisti eis, qui sperant in te,in conspectu filiorum hominum.

²¹Abscondes eos in abscondito faciei tuaea conturbatione hominum;proteges eos in tabernaculoa contradictione linguarum.

²²Benedictus Dominus,quoniam mirificavit misericordiam suam mihi in civitate munita.

²³Ego autem dixi in trepidatione mea: Praecisus sum a conspectu oculorum tuorum".Verumtamen exaudisti vocem orationis meae,dum clamarem ad te.

²⁴Diligite Dominum, omnes sancti eius:fideles conservat Dominuset retribuit abundanter facientibus superbiam.

²⁵Viriliter agite, et confortetur cor vestrum,omnes, qui speratis in Domino.