Read Nova_Vulgata DC Psalmorum 37 Bible Online

Psalmorum 37 - Nova_Vulgata DC bible

Psalmorum 37

¹David.ALEPH. Noli aemulari in malignantibusneque zelaveris facientes iniquitatem,

²quoniam tamquam fenum velociter arescentet quemadmodum herba virens decident.

³BETH. Spera in Domino et fac bonitatem,et inhabitabis terram et pasceris in fide.

⁴Delectare in Domino,et dabit tibi petitiones cordis tui.

⁵GHIMEL. Committe Domino viam tuam et spera in eo,et ipse faciet;

⁶et educet quasi lumen iustitiam tuamet iudicium tuum tamquam meridiem.

⁷DALETH. Quiesce in Domino et exspecta eum;noli aemulari in eo, qui prosperatur in via sua,in homine, qui molitur insidias.

⁸HE. Desine ab ira et derelinque furorem,noli aemulari, quod vertit ad malum,

⁹quoniam qui malignantur, exterminabuntur,sustinentes autem Dominum ipsi hereditabunt terram.

¹⁰VAU. Et adhuc pusillum et non erit peccator,et quaeres locum eius et non invenies.

¹¹Mansueti autem hereditabunt terramet delectabuntur in multitudine pacis.

¹²ZAIN. Insidiabitur peccator iustoet stridebit super eum dentibus suis.

¹³Dominus autem irridebit eum,quoniam prospicit quod veniet dies eius.

¹⁴HETH. Gladium evaginaverunt peccatores,intenderunt arcum suum,ut deiciant pauperem et inopem,ut trucident recte ambulantes in via.

¹⁵Gladius eorum intrabit in corda ipsorum,et arcus eorum confringetur.

¹⁶TETH. Melius est modicum iustosuper divitias peccatorum multas,

¹⁷quoniam brachia peccatorum conterentur,confirmat autem iustos Dominus.

¹⁸IOD. Novit Dominus dies immaculatorum,et hereditas eorum in aeternum erit.

¹⁹Non confundentur in tempore maloet in diebus famis saturabuntur.

²⁰CAPH. Quia peccatores peribunt,inimici vero Domini ut decor camporum deficient,quemadmodum fumus deficient.

²¹LAMED. Mutuatur peccator et non solvet,iustus autem miseretur et tribuet.

²²Quia benedicti eius hereditabunt terram,maledicti autem eius exterminabuntur.

²³MEM. A Domino gressus hominis confirmantur,et viam eius volet.

²⁴Cum ceciderit, non collidetur,quia Dominus sustentat manum eius.

²⁵NUN. Iunior fui et senuiet non vidi iustum derelictumnec semen eius quaerens panem.

²⁶Tota die miseretur et commodat,et semen illius in benedictione erit.

²⁷SAMECH. Declina a malo et fac bonum,et inhabitabis in saeculum saeculi,

²⁸quia Dominus amat iudiciumet non derelinquet sanctos suos.AIN. Iniusti in aeternum disperibunt,et semen impiorum exterminabitur.

²⁹Iusti autem hereditabunt terramet inhabitabunt in saeculum saeculi super eam.

³⁰PHE. Os iusti meditabitur sapientiam,et lingua eius loquetur iudicium;

³¹lex Dei eius in corde ipsius,et non vacillabunt gressus eius.

³²SADE. Considerat peccator iustumet quaerit mortificare eum;

³³Dominus autem non derelinquet eum in manibus eiusnec damnabit eum, cum iudicabitur illi.

³⁴COPH. Exspecta Dominum et custodi viam eius,et exaltabit te, ut hereditate capias terram;cum exterminabuntur peccatores, videbis.

³⁵RES. Vidi impium superexaltatumet elevatum sicut cedrum virentem;

³⁶et transivi, et ecce non erat,et quaesivi eum, et non est inventus.

³⁷SIN. Observa innocentiam et vide aequitatem,quoniam est posteritas homini pacifico.

³⁸Iniusti autem disperibunt simul,posteritas impiorum exterminabitur.

³⁹TAU. Salus autem iustorum a Domino,et protector eorum in tempore tribulationis.

⁴⁰Et adiuvabit eos Dominus et liberabit eoset eruet eos a peccatoribus et salvabit eos,quia speraverunt in eo.