Read Nova_Vulgata DC Psalmorum 40 Bible Online

Psalmorum 40 - Nova_Vulgata DC bible

Psalmorum 40

¹Magistro chori. David. PSALMUS.

²Exspectans exspectavi Dominum,et intendit mihi.

³Et exaudivit clamorem meumet eduxit me de lacu miseriae et de luto faecis;et statuit super petram pedes meoset firmavit gressus meos.

⁴Et immisit in os meum canticum novum,carmen Deo nostro.Videbunt multi et timebuntet sperabunt in Domino.

⁵Beatus vir, qui posuit Dominum spem suamet non respexit superbos et declinantes in mendacium.

⁶Multa fecisti tu, Domine Deus meus, mirabilia tua,et cogitationes tuas pro nobis: non est qui similis sit tibi.Si nuntiare et eloqui voluero,multiplicabuntur super numerum.

⁷Sacrificium et oblationem noluisti,aures autem fodisti mihi.Holocaustum et pro peccato non postulasti,

⁸tunc dixi: "Ecce venio.In volumine libri scriptum est de me.

⁹Facere voluntatem tuam,Deus meus, volui;et lex tua in praecordiis meis".

¹⁰Annuntiavi iustitiam tuam in ecclesia magna;ecce labia mea non prohibebo, Domine, tu scisti.

¹¹Iustitiam tuam non abscondi in corde meo,veritatem tuam et salutare tuum dixi.Non abscondi misericordiam tuamet veritatem tuam ab ecclesia magna.

¹²Tu autem, Domine, ne prohibeas miserationes tuas a me;misericordia tua et veritas tua semper suscipiant me,

¹³quoniam circumdederunt me mala, quorum non est numerus;comprehenderunt me iniquitates meae,et non potui videre.Multiplicatae sunt super capillos capitis mei,et cor meum dereliquit me.

¹⁴Complaceat tibi, Domine, ut eruas me;Domine, ad adiuvandum me festina.

¹⁵Confundantur et revereantur simul,qui quaerunt animam meam, ut auferant eam.Avertantur retrorsum et erubescant,qui volunt mihi mala.

¹⁶Obstupescant propter confusionem suam,qui dicunt mihi: "Euge, euge".

¹⁷Exsultent et laetentur in te omnes quaerentes te;et dicant semper: "Magnificetur Dominus ",qui diligunt salutare tuum.

¹⁸Ego autem egenus et pauper sum;Dominus sollicitus est mei.Adiutor meus et liberator meus tu es;Deus meus, ne tardaveris.