Read Nova_Vulgata DC Psalmorum 55 Bible Online

Psalmorum 55 - Nova_Vulgata DC bible

Psalmorum 55

¹Magistro chori. Fidibus. Maskil. David.

²Auribus percipe, Deus, orationem meamet ne abscondaris a deprecatione mea;

³intende mihi et exaudi me.Excussus sum in meditatione mea et conturbatus sum

⁴a voce inimici et a tribulatione peccatoris.Quoniam devolverunt in me iniquitatemet in ira molesti erant mihi.

⁵Cor meum torquetur intra me,et formido mortis cecidit super me.

⁶Timor et tremor venerunt super me, et contexit me pavor. -

⁷Et dixi: "Quis dabit mihi pennas sicut columbae,et volabo et requiescam?

⁸Ecce elongabo fugienset manebo in solitudine.

⁹Exspectabo eum, qui salvum me faciata spiritu procellae et tempestate".

¹⁰Dissipa, Domine, divide linguas eorum,quoniam vidi violentiam et contentionem in civitate.

¹¹Die ac nocte circumeunt eam super muros eius,

¹²iniquitas et labor et insidiae in medio eius;et non defecit de plateis eius fraudulentia et dolus.

¹³Quoniam si inimicus meus maledixisset mihi,sustinuissem utique;et si is qui oderat me, super me magnificatus fuisset,abscondissem me forsitan ab eo.

¹⁴Tu vero, homo coaequalis meus,familiaris meus et notus meus,

¹⁵qui simul habuimus dulce consortium:in domo Dei ambulavimus in concursu.

¹⁶Veniat mors super illos,et descendant in infernum viventes,quoniam nequitiae in habitaculis eorum,in medio eorum.

¹⁷Ego autem ad Deum clamabo,et Dominus salvabit me.

¹⁸Vespere et mane et meridie meditabor et ingemiscam,et exaudiet vocem meam.

¹⁹Redimet in pace animam meam ab his, qui impugnant me,quoniam in multis sunt adversum me.

²⁰Exaudiet Deus et humiliabit illos,qui est ante saecula.Non enim est illis commutatio,et non timuerunt Deum.

²¹Extendit manum suam in socios;contaminavit foedus suum.

²²Lene super butyrum est os eius,pugna autem cor illius:molliti sunt sermones eius super oleum,et ipsi sunt gladii destricti. -

²³Iacta super Dominum curam tuam,et ipse te enutriet;non dabit in aeternum fluctuationem iusto.

²⁴Tu vero, Deus, deduces eos in puteum interitus.Viri sanguinum et dolosi non dimidiabunt dies suos;ego autem sperabo in te, Domine.