Read Nova_Vulgata DC Psalmorum 66 Bible Online

Psalmorum 66 - Nova_Vulgata DC bible

Psalmorum 66

¹Magistro chori. Canticum. PSALMUS.Iubilate Deo, omnis terra,

²psalmum dicite gloriae nominis eius,glorificate laudem eius.

³Dicite Deo: "Quam terribilia sunt opera tua.Prae multitudine virtutis tuae blandientur tibi inimici tui.

⁴Omnis terra adoret te et psallat tibi,psalmum dicat nomini tuo".

⁵Venite et videte opera Dei,terribilis in adinventionibus super filios hominum.

⁶Convertit mare in aridam,et in flumine pertransibunt pede;ibi laetabimur in ipso.

⁷Qui dominatur in virtute sua in aeternum,oculi eius super gentes respiciunt;rebelles non exaltentur in semetipsis.

⁸Benedicite, gentes, Deum nostrumet auditam facite vocem laudis eius;

⁹qui posuit animam nostram ad vitamet non dedit in commotionem pedes nostros.

¹⁰Quoniam probasti nos, Deus;igne nos examinasti, sicut examinatur argentum.

¹¹Induxisti nos in laqueum,posuisti tribulationes in dorso nostro.

¹²Imposuisti homines super capita nostra,transivimus per ignem et aquam,et eduxisti nos in refrigerium.

¹³Introibo in domum tuam in holocaustis;reddam tibi vota mea,

¹⁴quae protulerunt labia mea,et locutum est os meum in tribulatione mea.

¹⁵Holocausta medullata offeram tibi cum incenso arietum,offeram tibi boves cum hircis.

¹⁶Venite, audite, et narrabo, omnes, qui timetis Deum,quanta fecit animae meae.

¹⁷Ad ipsum ore meo clamaviet exaltavi in lingua mea.

¹⁸Iniquitatem si aspexi in corde meo,non exaudiet Dominus.

¹⁹Propterea exaudivit Deus,attendit voci deprecationis meae.

²⁰Benedictus Deus, qui non amovit orationem meamet misericordiam suam a me.