Read Nova_Vulgata DC Psalmorum 79 Bible Online

Psalmorum 79 - Nova_Vulgata DC bible

Psalmorum 79

¹PSALMUS. Asaph.Deus, venerunt gentes in hereditatem tuam,polluerunt templum sanctum tuum,posuerunt Ierusalem in ruinas.

²Dederunt morticina servorum tuorum escas volatilibus caeli,carnes sanctorum tuorum bestiis terrae.

³Effuderunt sanguinem eorum tamquam aquamin circuitu Ierusalem, et non erat qui sepeliret.

⁴Facti sumus opprobrium vicinis nostris,subsannatio et illusio his, qui in circuitu nostro sunt.

⁵Usquequo, Domine? Irasceris in finem?Accendetur velut ignis zelus tuus?

⁶Effunde iram tuam in gentes, quae te non noverunt,et in regna, quae nomen tuum non invocaverunt,

⁷quia comederunt Iacobet sedem eius desolaverunt.

⁸Ne memineris iniquitatum patrum nostrorum,cito anticipent nos misericordiae tuae,quia pauperes facti sumus nimis.

⁹Adiuva nos, Deus salutaris nostri,propter gloriam nominis tui et libera nos;et propitius esto peccatis nostris propter nomen tuum.

¹⁰Quare dicent in gentibus: "Ubi est Deus eorum?".Innotescat in nationibus coram oculis nostrisultio sanguinis servorum tuorum, qui effusus est.

¹¹Introeat in conspectu tuo gemitus compeditorum;secundum magnitudinem brachii tuisuperstites relinque filios mortis.

¹²Et redde vicinis nostris septuplum in sinu eorum,improperium ipsorum, quod exprobraverunt tibi, Domine.

¹³Nos autem, populus tuus et oves pascuae tuae,confitebimur tibi in saeculum;in generationem et generationem annuntiabimus laudem tuam.