Read Nova_Vulgata DC Proverbiorum 22 Bible Online

Proverbiorum 22 - Nova_Vulgata DC bible

Proverbiorum 22

¹Melius est nomen bonum quam divitiae multae,super argentum et aurum gratia bona.

²Dives et pauper obviaverunt sibi:utriusque operator est Dominus.

³Callidus vidit malum et abscondit se;simplices pertransierunt et afflicti sunt damno.

⁴Praemium modestiae timor Domini,divitiae et gloria et vita.

⁵Spinae et laquei in via perversi,custos autem animae suae longe recedit ab eis.

⁶Institue adulescentem iuxta viam suam;etiam cum senuerit, non recedet ab ea.

⁷Dives pauperibus imperat;et, qui accipit mutuum, servus est fenerantis.

⁸Qui seminat iniquitatem, metet malaet virga irae suae consummabitur.

⁹Qui bono oculo est, benedicetur,de panibus enim suis dedit pauperi.

¹⁰Eice derisorem, et exibit cum eo iurgium;cessabuntque causae et contumeliae.

¹¹Qui diligit cordis munditiam,propter gratiam labiorum suorum habebit amicum regem.

¹²Oculi Domini custodiunt scientiam,et supplantantur verba iniqui.

¹³Dicit piger: "Leo est foris,in medio platearum occidendus sum".

¹⁴Fovea profunda os alienae;cui iratus est Dominus, incidet in eam.

¹⁵Stultitia colligata est in corde pueri,et virga disciplinae fugabit eam.

¹⁶Opprimis pauperem? Ipse augebit divitias suas.Donas ditiori? Ipse egebis.

¹⁷Inclina aurem tuam et audi verba sapientium,appone autem cor ad doctrinam meam,

¹⁸quia pulchra erunt, cum servaveris ea in ventre tuo,et redundabunt in labiis tuis.

¹⁹Ut sit in Domino fiducia tua,ostendi ea tibi hodie.

²⁰Nonne descripsi ea tibi nudiustertiusin cogitationibus et scientia,

²¹ut ostenderem tibi firmitatem verborum veritatis,ut respondeas illi, qui misit te?

²²Non facias violentiam pauperi, quia pauper est,neque conteras egenum in porta,

²³quia iudicabit Dominus causam eorum,et anima spoliabit spoliatores.

²⁴Noli esse amicus homini iracundoneque ambules cum viro furioso,

²⁵ne forte discas semitas eiuset sumas scandalum animae tuae.

²⁶Noli esse cum his, qui iungunt manus suaset qui vades se offerunt pro debitis:

²⁷si enim non habes unde restituas,quid causae est ut tollat lectum tuum subter te?

²⁸Ne transferas terminos antiquos,quos posuerunt patres tui.

²⁹Vidisti virum velocem in opere suo:coram regibus stabit nec erit ante ignobiles.