Read Nova_Vulgata DC Proverbiorum 26 Bible Online

Proverbiorum 26 - Nova_Vulgata DC bible

Proverbiorum 26

¹Quomodo nix in aestate et pluvia in messe,sic indecens est stulto gloria.

²Sicut avis ad alia transvolans et hirundo volitans,sic maledictum frustra prolatum non superveniet.

³Flagellum equo et camus asinoet virga dorso stultorum.

⁴Ne respondeas stulto iuxta stultitiam suam,ne tu quoque efficiaris ei similis;

⁵responde stulto iuxta stultitiam suam,ne sibi sapiens esse videatur.

⁶Amputat sibi pedes et iniuriam bibit,qui mittit verba per manum stulti.

⁷Quomodo molles claudo tibiae,sic in ore stultorum parabola.

⁸Sicut qui celat lapidem in acervo,ita qui tribuit insipienti honorem.

⁹Spina crescens in manu temulenti,sic parabola in ore stultorum.

¹⁰Sagittarius, qui conicit ad omnia,ita qui stultum conducit et qui vagos conducit.

¹¹Sicut canis, qui revertitur ad vomitum suum,sic stultus, qui iterat stultitiam suam.

¹²Vidisti hominem sapientem sibi videri?Magis illo spem habebit stultus.

¹³Dicit piger: "Leaena est in via,et leo in plateis".

¹⁴Ostium vertitur in cardine suo,et piger in lectulo suo.

¹⁵Abscondit piger manum in catinoet laborat, si ad os suum eam converterit.

¹⁶Sapientior sibi piger videturseptem viris respondentibus sententias.

¹⁷Apprehendit auribus canem,qui transiens commiscetur rixae alterius.

¹⁸Sicut insanit, qui mittit sagittaset lanceas in mortem,

¹⁹ita vir, qui decipit amicum suumet dicit: "Nonne ludens feci?".

²⁰Cum defecerint ligna, exstinguetur ignis,et, susurrone subtracto, iurgia conquiescent.

²¹Sicut carbones ad prunas et ligna ad ignem,sic homo litigiosus ad inflammandas rixas.

²²Verba susurronis quasi dulciaet ipsa perveniunt ad intima ventris.

²³Sicut argentum sordidum ornans vas fictile,sic labia levia et cor malum.

²⁴Labiis suis se dissimulabit inimicus,cum in corde tractaverit dolos:

²⁵quando mollierit vocem suam, ne credideris ei,quoniam septem abominationes sunt in corde illius;

²⁶operiet odium fraudulenter,revelabitur autem malitia eius in concilio.

²⁷Qui fodit foveam, incidet in eam;et, qui volvit lapidem, revertetur ad eum.

²⁸Lingua fallax non amat veritatem,et os lubricum operatur ruinas.