Read Nova_Vulgata DC Proverbiorum 28 Bible Online

Proverbiorum 28 - Nova_Vulgata DC bible

Proverbiorum 28

¹Fugit impius, nemine persequente;iustus autem quasi leo confidens.

²Propter peccata terrae multi principes eius;et propter hominem intellegentem et sapientemrectus ordo longior erit.

³Vir pauper et calumnians pauperessimilis est imbri vehementi, in quo paratur fames.

⁴Qui derelinquunt legem, laudant impium;qui custodiunt, succenduntur contra eum.

⁵Viri mali non intellegunt iudicium;qui autem requirunt Dominum, animadvertunt omnia.

⁶Melior est pauper ambulans in simplicitate suaquam perversus in viis suis, quamquam dives.

⁷Qui custodit legem, filius sapiens est;qui autem comissatores pascit, confundit patrem suum.

⁸Qui coacervat divitias suas usuris et fenore,liberali in pauperes congregat eas.

⁹Qui declinat aures suas, ne audiat legem,oratio quoque eius erit exsecrabilis.

¹⁰Qui decipit iustos in via mala, in interitu suo corruet,et simplices possidebunt bona eius.

¹¹Sapiens sibi videtur vir dives,pauper autem prudens scrutabitur eum.

¹²In exsultatione iustorum multa gloria est,et, cum exaltantur impii, abscondit se homo.

¹³Qui abscondit scelera sua, non prosperabit;qui autem confessus fuerit et reliquerit ea,misericordiam consequetur.

¹⁴Beatus homo, qui semper est pavidus;qui vero indurat cor suum, corruet in malum.

¹⁵Leo rugiens et ursus esuriensprinceps impius super populum pauperem.

¹⁶Dux indigens prudentia multos opprimet;qui autem odit avaritiam, longi fient dies eius.

¹⁷Hominem, animae cuiusdam sanguine gravatum,si usque ad lacum fugerit, nemo sustineat.

¹⁸Qui ambulat simpliciter, salvus erit;qui perversis graditur viis, subito concidet.

¹⁹Qui operatur terram suam, satiabitur panibus;qui autem sectatur otium, replebitur egestate.

²⁰Vir fidelis multum laudabitur;qui autem festinat ditari, non erit innocens.

²¹Qui dignoscit in iudicio faciem, non benefacit;et pro buccella panis praevaricatur homo.

²²Festinat ditari vir invidus,ignorat quod egestas superveniet ei.

²³Qui corripit hominem, gratiam postea invenietmagis quam ille, qui lingua blanditur.

²⁴Qui abripit aliquid a patre suo et a matreet dicit: "Hoc non est peccatum ",particeps homicidae est.

²⁵Qui desiderium dilatat, iurgia concitat;qui vero sperat in Domino, impinguabitur.

²⁶Qui confidit in corde suo, stultus est;qui autem graditur sapienter, ipse salvabitur.

²⁷Qui dat pauperi, non indigebit;qui autem occultat oculos, abundabit maledictis.

²⁸Cum surrexerint impii, abscondentur homines;cum illi perierint, multiplicabuntur iusti.