Read Nova_Vulgata DC Ecclesiasticus 4 Bible Online

Ecclesiasticus 4 - Nova_Vulgata DC bible

Ecclesiasticus 4

¹Verti me ad alia et vidi calumnias, quae sub sole geruntur, et ecce lacrimae oppressorum, et nemo consolator; et ex parte opprimentium violentia, et nemo consolator.

²Et laudavi magis mortuos, qui iam defuncti sunt, quam viventes, qui adhuc vitam agunt,

³et feliciorem utroque iudicavi, qui necdum natus est nec vidit opera mala, quae sub sole fiunt.

⁴Rursum contemplatus sum omnes labores et omnem successum operis, et hoc esse zelum in proximum suum. Et in hoc ergo vanitas et afflictio spiritus.

⁵Stultus complicat manus suaset comedit carnes suas.

⁶Melior est pugillus cum requiequam plena utraque manus cum labore et afflictione spiritus.

⁷Iterum repperi et aliam vanitatem sub sole:

⁸unus est et secundum non habet, non filium, non fratrem, et tamen laborare non cessat, nec satiantur oculi eius divitiis, nec recogitat dicens: "Cui laboro et fraudo animam meam bonis?". In hoc quoque vanitas est et occupatio pessima.

⁹Melius est duos esse simul quam unum: habent enim emolumentum in labore suo,

¹⁰quia si unus ceciderit, ab altero fulcietur. Vae soli! Cum ceciderit, non habet sublevantem se.

¹¹Insuper, si dormierint duo, fovebuntur mutuo; unus quomodo calefiet?

¹²Et, si quispiam praevaluerit contra unum, duo resistent ei. Et fu niculus triplex non cito rumpitur.

¹³Melior est puer pauper et sapiensrege sene et stulto,qui iam nescit erudiri.

¹⁴Ille enim de domo carceris exivit, ut regnaret, etiamsi in regno istius natus sit pauper.

¹⁵Vidi cunctos viventes, qui ambulant sub sole, cum adulescente illo secundo, qui consurgebat pro eo.

¹⁶Infinitus numerus erat populi, omnium, quos ipse praecedebat; sed qui postea futuri sunt, non laetabuntur in eo. Et hoc vanitas et afflictio spiritus.

¹⁷Custodi pedem tuum ingrediens domum Dei, nam accedere, ut audias, melius est quam cum stulti offerunt victimas: multo enim melior est oboedientia quam stultorum victimae, qui nesciunt se malum facere.