Read Nova_Vulgata DC Isaiae 23 Bible Online

Isaiae 23 - Nova_Vulgata DC bible

Isaiae 23

¹Oraculum Tyri.Ululate, naves Tharsis,quia vastatum est refugium vestrum;cum redirent de terra Cetthim, revelatum est eis.

²Obstupescite, qui habitatis in insula;negotiatores Sidonistransfretantes mare repleverunt te.

³In aquis multis semen Nili,messis fluminis fruges eius;et facta est negotiatio gentium.

⁴Erubesce, Sidon, ait enim mare,fortitudo maris, dicens: Non parturivi et non peperi;et non enutrivi iuvenesnec virgines educavi".

⁵Cum auditum fuerit in Aegypto,dolebunt cum audierint de Tyro.

⁶Transite ad Tharsis,ululate, qui habitatis in insula.

⁷Estne vestra haec, quae gloriabatur?A diebus pristinis antiquitas eius.Ducebant eam pedes sui longead peregrinandum.

⁸Quis cogitavit hocsuper Tyrum quondam coronatam,cuius negotiatores principes,institores eius incliti terrae?

⁹Dominus exercituum cogitavit hoc,ut detraheret superbiam omnis gloriaeet viles faceret universos inclitos terrae.

¹⁰Excole terram tuam sicut litus Nili,filia Tharsis, iam non est portus.

¹¹Manum suam extendit super mare,conturbavit regna.Dominus mandavit adversus Chanaan,ut contereret munimenta eius,

¹²et dixit: "Non adicies ultra ut glorieris,violata virgo filia Sidonis;in Cetthim consurgens transfreta:ibi quoque non erit requies tibi".

¹³Ecce terra Chaldaeorum:talis populus non fuit;Assyria fundavit eam pro feris.Erexerunt turres suas;suffoderunt domos eius,posuerunt eam in ruinam.

¹⁴Ululate, naves Tharsis,quia devastatum est praesidium vestrum.

¹⁵Et erit in die illa: in oblivione erit Tyrus septuaginta annis, sicut dies regis unius. Post septuaginta autem annos erit Tyro iuxta canticum meretricis:

¹⁶" Sume citharam, circui civitatem,meretrix oblivioni tradita;bene cane, frequenta canticum,ut memoria tui sit".

¹⁷Et erit: post septuaginta annos visitabit Dominus Tyrum, et redibit ad mercedes suas et rursum fornicabitur cum universis regnis terrae super faciem terrae.

¹⁸Et erunt negotiatio eius et merces eius sanctificatae Domino; non condentur neque reponentur, quia his, qui habitaverint coram Domino, erit negotiatio eius, ut manducent in saturitate et vestiantur splendide.