Read Nova_Vulgata DC Isaiae 42 Bible Online

Isaiae 42 - Nova_Vulgata DC bible

Isaiae 42

¹Ecce servus meus, suscipiam eum;electus meus, complacet sibi in illo anima mea;dedi spiritum meum super eum,iudicium gentibus proferet.

²Non clamabit neque vociferabitur,nec audietur vox eius foris.

³Calamum quassatum non conteretet linum fumigans non exstinguet;in veritatem proferet iudicium.

⁴Non languebit nec frangetur,donec ponat in terra iudicium;et legem eius insulae exspectant.

⁵Haec dicit Dominus Deus,creans caelos et extendens eos,firmans terram et quae germinant ex ea,dans flatum populo, qui est super eam,et spiritum calcantibus eam:

⁶" Ego, Dominus, vocavi te in iustitiaet apprehendi manum tuam;et formavi te et dedi tein foedus populi, in lucem gentium,

⁷ut aperires oculos caecorumet educeres de conclusione vinctum,de domo carceris sedentes in tenebris.

⁸Ego Dominus: hoc est nomen meum;et gloriam meam alteri non daboet laudem meam sculptilibus.

⁹Quae prima fuerunt, ecce venerunt;nova quoque ego annuntio:antequam oriantur, audita vobis faciam".

¹⁰Cantate Domino canticum novum,laus eius ab extremis terrae;qui descenditis in mare, et plenitudo eius,insulae et habitatores earum.

¹¹Exsultent desertum et civitates eius,vici, quos habitat Cedar.Iubilent habitatores Petrae,de vertice montium clament.

¹²Ponant Domino gloriamet laudem eius in insulis nuntient.

¹³Dominus sicut fortis egredietur,sicut vir proeliator suscitabit zelum;vociferabitur et conclamabit,super inimicos suos praevalebit.

¹⁴" Tacui semper, silui, patiens fui;sicut parturiens ululabo,gemam et fremam simul.

¹⁵Desertos faciam montes et colleset omne gramen eorum exsiccabo;et ponam flumina in insulaset stagna arefaciam.

¹⁶Et ducam caecos in viam, quam nesciunt,et in semitis, quas ignoraverunt, ambulare eos faciam;ponam tenebras coram eis in lucemet prava in recta.Haec verba faciam eiset non dereliquam eos".

¹⁷Conversi sunt retrorsum;confundantur confusione, qui confidunt in sculptili,qui dicunt conflatili: Vos dii nostri".

¹⁸Surdi, audite;et caeci, intuemini ad videndum.

¹⁹Quis caecus sicut servus meus,et surdus sicut nuntius, quem ego mittam?Quis caecus sicut qui restitutus est?Et quis caecus sicut servus Domini?

²⁰Multa vidisti, sed non servas;aures aperuisti, sed non audis.

²¹Dominus voluit propter iustitiam suammagnificare legem et extollere.

²²Ipse autem populus direptus et vastatus;in foveis conclusi omnes,et in domibus carcerum absconditi sunt.Facti sunt in rapinam, nec est qui eruat;in direptionem, nec est qui dicat: "Redde!".

²³Quis est in vobis, qui audiat hoc,attendat et auscultet futura?

²⁴Quis dedit in direptionem Iacobet Israel vastantibus?Nonne Dominus ipse, cui peccavimus?Et noluerunt in viis eius ambulareet non audierunt legem eius.

²⁵Et effudit super eum indignationem furoris suiet forte bellum.Et combussit eum in circuitu, et non cognovit;et succendit eum, et non intellexit.