Read Nova_Vulgata DC Isaiae 47 Bible Online

Isaiae 47 - Nova_Vulgata DC bible

Isaiae 47

¹Descende, sede in pulvere,virgo filia Babylon;sede in terra sine solio,filia Chaldaeorum,quia ultra non vocaberismollis et tenera.

²Tolle molam et mole farinam;depone velum tuum,subleva stolam, revela crura,transi flumina.

³Revelabitur ignominia tua,et videbitur opprobrium tuum. Ultionem capiam,nemini parcam ",

⁴dicit Redemptor noster, Dominus exercituum nomen illius,Sanctus Israel.

⁵Sede tacens et intra in tenebras,filia Chaldaeorum,quia non vocaberis ultraDomina regnorum.

⁶Iratus sum super populum meum,contaminavi hereditatem meamet dedi eos in manu tua;non posuisti eis misericordias,super senem aggravasti iugum tuum valde

⁷et dixisti: "In sempiternum ero domina".Non posuisti haec super cor tuumneque recordata es novissimi tui.

⁸Et nunc audi haec, delicata,quae habitas confidenteret dicis in corde tuo: Ego, et praeter me non est altera, non sedebo vidua et orbitatem ignorabo".

⁹Venient tibi duo haecsubito in die una,orbitas et viduitas;repente venerunt super tepropter multitudinem maleficiorum tuorum,propter abundantiam incantationum tuarum.

¹⁰Et fiduciam habuisti in malitia tuaet dixisti: "Non est qui videat me".Sapientia tua et scientia tua,haec decepit te.Et dixisti in corde tuo: Ego, et praeter me non est altera".

¹¹Veniet super te malum,et nescies avertere;et irruet super te calamitas,quam non poteris expiare;veniet super te repentemiseria, quam nescies.

¹²Sta cum incantationibus tuiset cum multitudine maleficiorum tuorum,in quibus laborasti ab adulescentia tua:forte poteris iuvari, forte terrebis.

¹³Defecisti in multitudine consiliorum tuorum;stent et salvent te, qui metiuntur caelum,qui contemplantur sideraet annuntiant singulis noviluniisventura tibi.

¹⁴Ecce facti sunt quasi stipula,ignis combussit eos.Non liberabunt seipsosde manu flammae;non sunt prunae, quibus calefiant,nec focus, ut sedeant ad eum.

¹⁵Sic fiunt tibi incantatores tui,in quibuscumque laborasti ab adulescentia tua;unusquisque in via sua errat,non est qui salvet te.