Read Nova_Vulgata DC Isaiae 9 Bible Online

Isaiae 9 - Nova_Vulgata DC bible

Isaiae 9

¹Populus, qui ambulabat in tenebris,vidit lucem magnam;habitantibus in regione umbrae mortislux orta est eis.

²Multiplicasti exsultationemet magnificasti laetitiam;laetantur coram tesicut laetantes in messe,sicut exsultant, quando dividunt spolia.

³Iugum enim oneris eiuset virgam umeri eiuset sceptrum exactoris eiusfregisti, sicut in die Madian.

⁴Quia omnis caliga incedentis cum tumultuet vestimentum mixtum sanguineerit in combustionem, cibus ignis.

⁵Parvulus enim natus est nobis,filius datus est nobis;et factus est principatus super umerum eius;et vocabitur nomen eiusadmirabilis Consiliarius, Deus fortis,Pater aeternitatis, Princeps pacis.

⁶Magnum erit eius imperium,et pacis non erit finissuper solium David et super regnum eius,ut confirmet illud et corroboret in iudicio et iustitiaamodo et usque in sempiternum:zelus Domini exercituum faciet hoc.

⁷Verbum misit Dominus in Iacob, et cecidit in Israel.

⁸Et sciet omnis populus Ephraim et habitantes Samariamin superbia et magnitudine cordis dicentes:

⁹" Lateres ceciderunt, sed quadris lapidibus aedificabimus;sycomori succisae sunt, sed cedris commutabimus".

¹⁰Et elevavit Dominus hostes super eumet inimicos eius excitavit,

¹¹Syriam ab oriente et Philisthim ab occidente,qui devoraverunt Israel toto ore.In omnibus his non est aversus furor eius,sed adhuc manus eius extenta.

¹²Et populus non est reversus ad percutientem se,et Dominum exercituum non inquisierunt.

¹³Et succidit Dominus ab Israel caput et caudam,palmam et arundinem die una:

¹⁴longaevus et honorabilis vultu ipse est caput,et propheta docens mendacium ipse est cauda;

¹⁵rectores populi istius seducenteset, qui regebantur, perierunt.

¹⁶Propter hoc super adulescentulis eius non laetabitur Dominuset pupillorum eius et viduarum non miserebitur,quia omnis impius est et nequam,et universum os loquitur stultitiam.In omnibus his non est aversus furor eius,sed adhuc manus eius extenta.

¹⁷Succensa est enim quasi ignis impietas,veprem et spinam vorat,et succenditur in densitate saltus,et convolvuntur columnae fumi.

¹⁸In ira Domini exercituum incenditur terra;et est populus quasi esca ignis:vir fratri suo non parcit.

¹⁹Et devorat ad dexteram et esuritet comedit ad sinistram et non saturatur;unusquisque carnem proximi sui vorat:

²⁰Manasses Ephraim, et Ephraim Manassen,simul ipsi contra Iudam.In omnibus his non est aversus furor eius,sed adhuc manus eius extenta.