Read Nova_Vulgata DC Lamentationes 5 Bible Online

Lamentationes 5 - Nova_Vulgata DC bible

Lamentationes 5

¹Recordare, Domine, quid acci derit nobis;intuere et respice opprobrium nostrum.

²Hereditas nostra versa est ad alienos,domus nostrae ad extraneos.

³Pupilli facti sumus absque patre,matres nostrae quasi viduae.

⁴Aquam nostram pecunia bibimus,ligna nostra pretio comparamus.

⁵Iugum in cervicibus nostris minamur;lassis non datur requies.

⁶Aegyptiis dedimus manum et Assyriis,ut saturaremur pane.

⁷Patres nostri peccaverunt et non sunt,et nos iniquitates eorum portamus.

⁸Servi dominantur nostri;non est qui redimat de manu eorum.

⁹Vitae nostrae periculo afferimus panem nobisa facie gladii in deserto.

¹⁰Pellis nostra quasi clibanus exusta estpropter aestum famis.

¹¹Mulieres in Sion humiliaveruntet virgines in civitatibus Iudae.

¹²Principes manu eorum suspensi sunt;facies senum honorem non habuerunt.

¹³Adulescentes molam portaverunt,et pueri sub lignis corruerunt.

¹⁴Senes deficiunt de portis,iuvenes de choro psallentium.

¹⁵Defecit gaudium cordis nostri;versus est in luctum chorus noster.

¹⁶Cecidit corona capitis nostri;vae nobis, quia peccavimus!

¹⁷Propterea maestum factum est cor nostrum,ideo contenebrati sunt oculi nostri,

¹⁸propter montem Sion, quia desolatus est:vulpes ambulant in eo.

¹⁹Tu autem, Domine, in aeternum permanebis,solium tuum in generationem et generationem.

²⁰Quare in perpetuum oblivisceris nostri,derelinques nos in longitudinem dierum?

²¹Converte nos, Domine, ad te, et convertemur;innova dies nostros sicut a principio.

²²Ergone proiciens reppulisti nos,iratus es contra nos vehementer?