Read Nova_Vulgata DC Ezechielis 19 Bible Online

Ezechielis 19 - Nova_Vulgata DC bible

Ezechielis 19

¹Et tu, assume planctum super principes Israel

²et dices:Qualis erat mater tua leaenainter leones!Cubavit in medio leunculorum,enutrivit catulos suos.

³Et educavit unum de leunculis suis;leo factus estet didicit capere praedam,homines devoravit.

⁴Et convocaverunt contra eum gentes,in fovea earum captus est;et adduxerunt eum in circulisin terram Aegypti.

⁵Quae cum vidisset quoniam exspectaverat,et perierat spes eius,tulit alium de leunculis suis,leonem constituit eum.

⁶Qui incedebat inter leones,factus est leoet didicit praedam capere,homines devoravit;

⁷et fregit arces eorumet civitates eorum vastavit.Et obstupuit terra et plenitudo eiusa voce rugitus illius.

⁸Et convenerunt adversum eum gentesundique de provinciiset expanderunt super eum rete suum,in fovea earum captus est.

⁹Et miserunt eum in caveam in circuliset adduxerunt eum ad regem Babylonis;qui misit eum in carcerem,ne audiretur vox eius ultrasuper montes Israel.

¹⁰Mater tua vineae assimilabatursuper aquam plantata.Fructus eius et frondes eius creveruntex aquis multis;

¹¹et factae sunt ei virgae solidaein sceptra dominantium,et exaltata est statura eiususque in nubes,et apparuit in altitudine sua,in multitudine palmitum suorum.

¹²Et evulsa est in irain terramque proiecta,et ventus urens siccavit fructum eius;abrepta et arefacta est virga roboris eius,ignis comedit eam.

¹³Et nunc transplantata est in desertum,in terra invia et sitienti.

¹⁴Et egressus est ignis de virga ramorum eius,qui fructum eius comedit;et non fuit in ea virga fortis,sceptrum regni".Planctus est, et erit in planctum.