Read Nova_Vulgata DC Ezechielis 30 Bible Online

Ezechielis 30 - Nova_Vulgata DC bible

Ezechielis 30

¹Et factum est verbum Do mini ad me dicens:

²" Fili ho minis, propheta et dic: Haec dicit Dominus Deus:Ululate, vae diei,

³quia iuxta est dies,et appropinquat dies Domini,dies nubis; tempus gentium erit.

⁴Et veniet gladius in Aegyptum,et erit pavor in Chus,cum ceciderint vulnerati in Aegypto,et ablatae fuerint opes illius,et destructa fundamenta eius.

⁵Chus et Phut et Lud et omne vulgus promiscuumet Chub et filii terrae foederiscum eis gladio cadent.

⁶Haec dicit Dominus Deus:Et corruent fulcientes Aegyptum,et destruetur superbia potentiae eius;a Magdolo usque ad Syenen gladio cadent in ea,ait Dominus Deus.

⁷Et dissipabuntur in medio terrarum desolatarum, et urbes eius in medio civitatum desertarum erunt;

⁸et scient quia ego Dominus, cum dedero ignem in Aegyptum, et attriti fuerint omnes auxiliatores eius.

⁹In die illa egredientur nuntii a facie mea in navibus ad conterendam confidentiam Chus, et erit pavor in eis in die Aegypti, quia veniet.

¹⁰Haec dicit Dominus Deus: Cessare faciam pompam Aegypti in manu Nabuchodonosor, regis Babylonis.

¹¹Ipse et populus eius cum eo violentissimi gentium adducentur ad disperdendam terram; et evaginabunt gladios suos super Aegyptum et implebunt terram interfectis.

¹²Et faciam alveos fluminum aridos et tradam terram in manu pessimorum et dissipabo terram et plenitudinem eius in manu alienorum. Ego Dominus locutus sum.

¹³Haec dicit Dominus Deus:Et disperdam simulacraet cessare faciam idola de Memphi,et dux de terra Aegyptinon erit amplius,et dabo terrorem in terra Aegypti.

¹⁴Et disperdam terram Phatureset dabo ignem in Taniet faciam iudicia in No.

¹⁵Et effundam indignationem meam super Sin, robur Aegypti, et interficiam multitudinem No.

¹⁶Et dabo ignem in Aegypto; quasi parturiens dolebit Sin, et in No scissura erit, et contra Memphin hostes plena die.

¹⁷Iuvenes Heliopoleos et Bubasti gladio cadent, et ipsae captivae ducentur.

¹⁸Et in Taphnis nigrescet dies, cum contrivero ibi sceptra Aegypti, et defecerit in ea superbia potentiae eius; ipsam nubes operiet, filiae autem eius in captivitatem ducentur.

¹⁹Et faciam iudicia in Aegypto, et scient quia ego Dominus".

²⁰Et factum est in undecimo anno, in primo, in septima mensis, factum est verbum Domini ad me dicens:

²¹" Fili hominis, brachium pharaonis, regis Aegypti, confregi, et ecce non est obvolutum, ut restitueretur ei sanitas, ut ligaretur pannis et farciretur linteolis, ut recepto robore posset tenere gladium.

²²Propterea haec dicit Dominus Deus: Ecce ego ad pharaonem, regem Aegypti, et comminuam brachium eius forte sed confractum et deiciam gladium de manu eius

²³et dispergam Aegyptum in gentibus et ventilabo eos in terris.

²⁴Et confortabo brachia regis Babylonis daboque gladium meum in manu eius; et confringam brachia pharaonis, et gemet gemitibus sicut transfixus coram facie eius.

²⁵Et confortabo brachia regis Babylonis, et brachia pharaonis concident; et scient quia ego Dominus, cum dedero gladium meum in manu regis Babylonis, et extenderit eum super terram Aegypti.

²⁶Et dispergam Aegyptum in nationes et ventilabo eos in terras, et scient quia ego Dominus".