Read Nova_Vulgata DC Osee 6 Bible Online

Osee 6 - Nova_Vulgata DC bible

Osee 6

¹"Venite, et revertamur ad Do minum,quia ipse laceravit et sanabit nos,percussit et curabit nos.

²Vivificabit nos post duos dies,in die tertia suscitabit nos,et vivemus in conspectu eius.

³Sciamus sequamurque,ut cognoscamus Dominum.Quasi diluculum praeparatus est egressus eius,et veniet quasi imber nobis temporaneus,quasi imber serotinus irrigans terram".

⁴Quid faciam tibi, Ephraim?Quid faciam tibi, Iuda?Caritas vestra quasi nubes matutinaet quasi ros mane pertransiens.

⁵Propter hoc dolavi per prophetas,occidi eos in verbis oris mei,sed ius meum quasi lux egredietur;

⁶quia caritatem volo et non sacrificium,et scientiam Dei plus quam holocausta.

⁷Ipsi autem in Adam transgressi sunt pactum;ibi praevaricati sunt in me.

⁸Galaad civitas operantium iniquitatemmaculata sanguine.

⁹Et quasi insidiantes virum latronescaterva sacerdotum;in via interficiunt pergentes Sichem,vere scelus operantur.

¹⁰In domo Israel vidi horrendum:ibi fornicationes Ephraim,contaminatus est Israel.

¹¹Sed et tibi, Iuda, parata est messis,cum convertero sortem populi mei.