Read Nova_Vulgata DC Abdiae 1 Bible Online

Abdiae 1 - Nova_Vulgata DC bible

Abdiae 1

¹Visio Abdiae.Haec dicit Dominus Deus ad Edom.Auditum audivimus a Domino,et legatus ad gentes missus est: Surgite, et consurgamusadversus eum in proelium!".

²" Ecce parvulum te dabo in gentibus,contemptibilis tu es valde.

³Superbia cordis tui decepit tehabitantem in scissuris petrae,exaltantem solium suum;qui dicit in corde suo:Quis detrahet me in terram?".

⁴Si exaltatus fueris ut aquilaet si inter sidera posueris nidum tuum,inde detraham te ",dicit Dominus.

⁵Si fures introissent ad te,si latrones per noctem,quomodo periisses!Nonne furati essent sufficientia sibi?Si vindemiatores introissent ad te,nonne racemos tantum reliquissent?

⁶Quomodo scrutati sunt Esau?Investigaverunt abscondita eius.

⁷Usque ad terminum eiecerunt te,omnes viri foederis tui deceperunt te,invaluerunt adversum te viri pacis tuae;qui comedunt tecum, ponent insidias subter te.Non est prudentia in eo.

⁸" Numquid non in die illa,dicit Dominus,perdam sapientes de Edomet prudentiam de monte Esau?

⁹Et timebunt fortes tui Theman,ut intereat omnis vir de monte Esau.

¹⁰Propter interfectionemet propter iniquitatemin fratrem tuum Iacoboperiet te confusio,et peribis in aeternum.

¹¹In die cum stares ex adverso,quando capiebant alieni exercitum eius,et extranei ingrediebantur portas eiuset super Ierusalem mittebant sortem,tu quoque eras quasi unus ex eis".

¹²Et non respicies diem fratris tui,diem calamitatis eius;et non laetaberis super filios Iudaein die perditionis eorum;et non magnificabis os tuumin die angustiae.

¹³Neque ingredieris portam populi meiin die ruinae eorum;neque respicies et tu malum eiusin die vastitatis illiuset non mittes manum in opes eiusin die vastitatis illius;

¹⁴neque stabis in exitibus,ut interficias eos, qui fugerint,et non trades reliquos eiusin die tribulationis.

¹⁵Quoniam iuxta est dies Dominisuper omnes gentes:sicut fecisti, fiet tibi,retributio tua convertetur in caput tuum.

¹⁶Quomodo enim bibistis super montem sanctum meum,bibent omnes gentes iugiter;et bibent et absorbebuntet erunt quasi non fuerint.

¹⁷Et in monte Sion erit salvatio,et erit sanctum;et possidebit domus Iacobeos, qui se possederant.

¹⁸Et erit domus Iacob ignis,et domus Ioseph flamma,et domus Esau stipula;et succendentur in eis, et devorabunt eos,et non erunt reliquiae domus Esau,quia Dominus locutus est.

¹⁹Et hereditabunt austrum,montem Esau,et Sephelam Philisthim;et possidebunt regionem Ephraimet regionem Samariae,et Beniamin possidebit Galaad;

²⁰et transmigratio prima filiorum Israelpossidebit terram Chananaeorum usque ad Sareptam;et transmigratio Ierusalem, quae in Sapharad est,possidebit civitates austri.

²¹Et ascendent salvatores in montem Sioniudicare montem Esau,et erit Domino regnum.