Read Nova_Vulgata DC Michaeae 6 Bible Online

Michaeae 6 - Nova_Vulgata DC bible

Michaeae 6

¹Audite, quae Dominus loqui tur: Surge, contende iudicio coram montibus,et audiant colles vocem tuam".

²Audite, montes, iudicium Domini,et auscultate, fundamenta terrae;quia iudicium Domini cum populo suo,et cum Israel iudicio contendit.

³" Popule meus, quid feci tibiet quid molestus fui tibi?Responde mihi.

⁴Ego eduxi te de terra Aegyptiet de domo servientium liberavi teet misi ante faciem tuam Moysenet Aaron et Mariam.

⁵Popule meus, memento, quaeso,quid cogitaverit Balac rex Moab,et quid responderit ei Balaam filius Beor,de Settim usque ad Galgalam,ut cognoscas iustitias Domini".

⁶" Quid dignum offeram Domino,dum curvo genu Deo excelso?Numquid offeram ei holocautomataet vitulos anniculos?

⁷Numquid placebunt Domino milia arietum,multa milia torrentium olei?Numquid dabo primogenitum meum pro scelere meo,fructum ventris mei pro peccato animae meae?".

⁸Indicatum est tibi, o homo, quid sit bonum,et quid Dominus quaerat a te:utique facere iudicium et diligere caritatemet sollicitum ambulare cum Deo tuo.

⁹Vox Domini ad civitatem clamat et sapientia est timere nomen tuum -: Audite, tribus et coetus civitatis!

¹⁰Numquid tolerabo batum iniquumet ephi minus maledictum?

¹¹Numquid iustificabo stateram impiamet saccelli pondera dolosa?

¹²Quia divites eius repleti sunt iniquitate,et habitantes in ea loquebantur mendacium,et lingua eorum fraudulenta in ore eorum.

¹³Ego ergo coepi percutere teperditione super peccatis tuis.

¹⁴Tu comedes et non saturaberis,et sordes tuae in medio tui.Tu removebis et non salvabis;et, quos salvaveris, in gladium dabo.

¹⁵Tu seminabis et non metes,tu calcabis olivam et non ungeris oleo,mustum et non bibes vinum.

¹⁶Custodisti praecepta Amriet omne opus domus Achab;et ambulasti in voluntatibus eorum,ut darem te in perditionemet habitantes tuos in sibilum:et opprobrium populorum portabitis".