Read Nova_Vulgata DC Epistula I ad Corinthios 14 Bible Online

Epistula I ad Corinthios 14 - Nova_Vulgata DC bible

Epistula I ad Corinthios 14

¹Sectamini caritatem, aemu lamini spiritalia, magis au tem, ut prophetetis.

²Qui enim loquitur lingua, non hominibus loquitur sed Deo; nemo enim audit, spiritu autem loquitur mysteria.

³Qui autem prophetat, hominibus loquitur aedificationem et exhortationem et consolationes.

⁴Qui loquitur lingua, semetipsum aedificat; qui autem prophetat, ecclesiam aedificat.

⁵Volo autem omnes vos loqui linguis, magis autem prophetare; maior autem est qui prophetat, quam qui loquitur linguis, nisi forte interpretetur, ut ecclesia aedificationem accipiat.

⁶Nunc autem, fratres, si venero ad vos linguis loquens, quid vobis prodero, nisi vobis loquar aut in revelatione aut in scientia aut in prophetia aut in doctrina?

⁷Tamen, quae sine anima sunt vocem dantia, sive tibia sive cithara, nisi distinctionem sonituum dederint, quomodo scietur quod tibia canitur, aut quod citharizatur?

⁸Etenim si incertam vocem det tuba, quis parabit se ad bellum?

⁹Ita et vos per linguam nisi manifestum sermonem dederitis, quomodo scietur id, quod dicitur? Eritis enim in aera loquentes.

¹⁰Tam multa, ut puta, genera linguarum sunt in mundo, et nihil sine voce est.

¹¹Si ergo nesciero virtutem vocis, ero ei, qui loquitur, barbarus; et, qui loquitur, mihi barbarus.

¹²Sic et vos, quoniam aemulatores estis spirituum, ad aedificationem ecclesiae quaerite, ut abundetis.

¹³Et ideo, qui loquitur lingua, oret, ut interpretetur.

¹⁴Nam si orem lingua, spiritus meus orat, mens autem mea sine fructu est.

¹⁵Quid ergo est? Orabo spiritu, orabo et mente; psallam spiritu, psallam et mente.

¹⁶Ceterum si benedixeris in spiritu, qui supplet locum idiotae, quomodo dicet " Amen! " super tuam benedictionem, quoniam quid dicas nescit?

¹⁷Nam tu quidem bene gratias agis, sed alter non aedificatur.

¹⁸Gratias ago Deo, quod omnium vestrum magis linguis loquor;

¹⁹sed in ecclesia volo quinque verba sensu meo loqui, ut et alios instruam, quam decem milia verborum in lingua.

²⁰Fratres, nolite pueri effici sensibus, sed malitia parvuli estote; sensibus autem perfecti estote.

²¹In lege scriptum est: In aliis linguis et in labiis aliorumloquar populo huic,et nec sic exaudient me ",dicit Dominus.

²²Itaque linguae in signum sunt non fidelibus sed infidelibus, prophetia autem non infidelibus sed fidelibus.

²³Si ergo conveniat universa ecclesia in unum, et omnes linguis loquantur, intrent autem idiotae aut infideles, nonne dicent quod insanitis?

²⁴Si autem omnes prophetent, intret autem quis infidelis vel idiota, convincitur ab omnibus, diiudicatur ab omnibus,

²⁵occulta cordis eius manifesta fiunt; et ita cadens in faciem adorabit Deum pronuntians: "Vere Deus in vobis est!".

²⁶Quid ergo est, fratres? Cum convenitis, unusquisque psalmum habet, doctrinam habet, apocalypsim habet, linguam habet, interpretationem habet: omnia ad aedificationem fiant.

²⁷Sive lingua quis loquitur, secundum duos aut ut multum tres, et per partes, et unus interpretetur;

²⁸si autem non fuerit interpres, taceat in ecclesia, sibi autem loquatur et Deo.

²⁹Prophetae duo aut tres dicant, et ceteri diiudicent;

³⁰quod si alii revelatum fuerit sedenti, prior taceat.

³¹Potestis enim omnes per singulos prophetare, ut omnes discant, et omnes exhortentur;

³²et spiritus prophetarum prophetis subiecti sunt;

³³non enim est dissensionis Deus sed pacis.Sicut in omnibus ecclesiis sanctorum,

³⁴mulieres in ecclesiis taceant, non enim permittitur eis loqui; sed subditae sint, sicut et Lex dicit.

³⁵Si quid autem volunt discere, domi viros suos interrogent; turpe est enim mulieri loqui in ecclesia.

³⁶An a vobis verbum Dei processit aut in vos solos pervenit?

³⁷Si quis videtur propheta esse aut spiritalis, cognoscat, quae scribo vobis, quia Domini est mandatum.

³⁸Si quis autem ignorat, ignorabitur.

³⁹Itaque, fratres mei, aemulamini prophetare et loqui linguis nolite prohibere;

⁴⁰omnia autem honeste et secundum ordinem fiant.