Read Nova_Vulgata DC Epistula II ad Corinthios 6 Bible Online

Epistula II ad Corinthios 6 - Nova_Vulgata DC bible

Epistula II ad Corinthios 6

¹Adiuvantes autem et exhor tamur, ne in vacuum gratiam Dei recipiatis

²- ait enim: Tempore accepto exaudivi teet in die salutis adiuvi te ";ecce nunc tempus acceptabile, ecce nunc dies salutis -

³nemini dantes ullam offensionem, ut non vituperetur ministerium,

⁴sed in omnibus exhibentes nosmetipsos sicut Dei ministros in multa patientia, in tribulationibus, in necessitatibus, in angustiis,

⁵in plagis, in carceribus, in seditionibus, in laboribus, in vigiliis, in ieiuniis,

⁶in castitate, in scientia, in longanimitate, in suavitate, in Spiritu Sancto, in caritate non ficta,

⁷in verbo veritatis, in virtute Dei; per arma iustitiae a dextris et sinistris,

⁸per gloriam et ignobilitatem, per infamiam et bonam famam; ut seductores, et veraces;

⁹sicut qui ignoti, et cogniti; quasi morientes, et ecce vivimus; ut castigati, et non mortificati;

¹⁰quasi tristes, semper autem gaudentes; sicut egentes, multos autem locupletantes; tamquam nihil habentes, et omnia possidentes.

¹¹Os nostrum patet ad vos, o Corinthii, cor nostrum dilatatum est.

¹²Non angustiamini in nobis, sed angustiamini in visceribus vestris;

¹³eandem autem habentes remunerationem, tamquam filiis dico, dilatamini et vos.

¹⁴Nolite iugum ducere cum infidelibus! Quae enim participatio iustitiae cum iniquitate? Aut quae societas luci ad tenebras?

¹⁵Quae autem conventio Christi cum Beliar, aut quae pars fideli cum infideli?

¹⁶Qui autem consensus templo Dei cum idolis? Vos enim estis templum Dei vivi; sicut dicit Deus: Inhabitabo in illis et inambulaboet ero illorum Deus, et ipsi erunt mihi populus.

¹⁷Propter quod exite de medio eorumet separamini, dicit Dominus,et immundum ne tetigeritis;et ego recipiam vos

¹⁸et ero vobis in Patrem,et vos eritis mihi in filios et filias,dicit Dominus omnipotens".