Read Nova_Vulgata DC Epistula ad Hebraeos 1 Bible Online

Epistula ad Hebraeos 1 - Nova_Vulgata DC bible

Epistula ad Hebraeos 1

¹Multifariam et multis modis olim Deus locutus patribus in prophetis,

²in novissimis his diebus locutus est nobis in Filio, quem constituit heredem universorum, per quem fecit et saecula;

³qui, cum sit splendor gloriae et figura substantiae eius et portet omnia verbo virtutis suae, purgatione peccatorum facta, consedit ad dexteram maiestatis in excelsis,

⁴tanto melior angelis effectus, quanto differentius prae illis nomen hereditavit.

⁵Cui enim dixit aliquando angelorum: Filius meus es tu;ego hodie genui te "et rursum: "Ego ero illi in patrem, et ipse erit mihi in filium "?

⁶Cum autem iterum introducit primogenitum in orbem terrae, dicit: Et adorent eum omnes angeli Dei".

⁷Et ad angelos quidem dicit: Qui facit angelos suos spirituset ministros suos flammam ignis ";

⁸ad Filium autem: Thronus tuus, Deus, in saeculum saeculi,et virga aequitatis virga regni tui.

⁹Dilexisti iustitiam et odisti iniquitatem,propterea unxit te Deus, Deus tuus,oleo exsultationis prae participibus tuis"

¹⁰et: Tu in principio, Domine, terram fundasti;et opera manuum tuarum sunt caeli.

¹¹Ipsi peribunt, tu autem permanes;et omnes ut vestimentum veterascent,

¹²et velut amictum involves eos,sicut vestimentum et mutabuntur.Tu autem idem es, et anni tui non deficient".

¹³Ad quem autem angelorum dixit aliquando: Sede a dextris meis,donec ponam inimicos tuos scabellum pedum tuorum "?

¹⁴Nonne omnes sunt administratorii spiritus, qui in ministerium mittuntur propter eos, qui hereditatem capient salutis?